Martxoaren 8rako egitarau bateratua osatu dute Udalak eta herriko eragileek

Azpeitiko Udala, Baigera, Emakumeen mahaia, Paradisu Zinema zinekluba, Ikastetxeak eta ikastetxeetako ikasleek marxtoaren 8rako, Emakumeen Nazioarteko egunerako egitarau bateratua landu dute, eta gaur prentsaurrean aurkeztu dute. Leire Etxaniz Parekidetasun zinegotziak azpimarratu du, "aurten, azken urteotan eragile desberdinek beren aldetik antolatu dituzten ekintzak elkarlanean koordinatuta" antolatzeko apustua egin dela. Bihar bertan, Baigeran egingo den mahainguruarekin hasiko dira ekintzak abian. 

Azken orduotan Tolosan eta Durangon jazotako emakumeenganako indarkeria kasuak salatu nahi ditu Udalak

Azken orduotan gertatutako emakumeenganako indarkeria kasuak gogor salatu eta gaitzetsi nahi ditu Azpeitiko Udalak. Biktimei eta beren senide eta lagunei bere babesa azaldu nahi die Udalak eta giza eskubide guztiak errespetatuak izan daitezen lanean jarraitzeko konpromisoa berresten du.

Bide horretan, emakumeek astegun zein asteburu, goizez nahiz goizaldean libre eta beldurrik gabe ibiltzeko eta sentitzeko neurriak hartzen jarraituko duela adierazi nahi du.

Emakumeen jabetzarako ikastaroak eta herritar ororentzako hainbat ekintza prestatu ditu Udalak

Azpeitiko Udalak datozen hilabeteotan Jabetza eskolaren bidez zein Emekume Txokoan eskainiko dituen ikastaro, tailer, zein bestelako ekintzen berri eman du. Leire Etxaniz Parekidetasun zinegotziak Emakume Txokoa emakumeen zein gizonen parekidetasuna sustatzeko tresna dela gogorarazi du, eta "herritar guztiei irekita dagoen espazioa" dela azpimarratu du. Eta, aurten, V. urteurrena ospatzen ari dela ekarri du gogora.

Azken indarkeria sexista kasu larriak salatu nahi ditu Azpeitiko Udalak

Azken bi asteotan Euskal Herrian jazotako indarkeria sexista kasu larrien aurrean kezka azaldu nahi du Azpeitiko Udalak. Urte hasiera gogorra izan da. Azken bi asteotan hiru kasu oso larriren berri izan dugu. Azken biak atzo ezagutu genituen: Alde batetik, Burlatako gizon batek bere emaztea hil eta gorpua ibaira bota zuela deklaratu zuen; eta gaur oraindik gorpuaren bila dabiltza. Eta, beste aldetik, Valentzian dispertsatuta duten Sara Majarenas presoaren alabari aitak egindako eraso bortitzak hitzik gabe utzi gaitu.

Azpeitiko Bizikidetza Foroko hiru emakumeren mahaingurua bihar

Bihar, urtarrilak 10, 19:30etatik aurrera Emakume Txokoan, bi urtez Bizikidetza Foroan parte hartu duten hiru emakumek beren esperientziatik abiatuta Mahainguru batean parte hartuko dute. Alaitz aguado, Mertxe Urtuzaga eta Miren Odriozolak, Aitziber Blanco Herritarren Bizikidetza Foroko dinamizatzailea izango dute mahaingurua gidatzen.