Trikitiaren doinuek alaituko dute San Jose Eguneko arratsa

Datorren zapatuan, hilaren 19an, San Jose Egunaren inguruan antolatu ohi den trikiti jaialdia izango da17:30etatik aurrera Soreasu antzokian. Aurtengoan, gainera, helburu gisa trikitixa bestelako instrumentu batzuekin nahastea dute helburu, eta trikiti soinuez gain izango da bestelako soinurik ere. Josu Labaka Udaleko Kultura batzordeburuak eskerrak eman dizkie Trikitixa Elkarteko kideei urte guzti hauetan egindako lanagatik: "Euskal Herriko Trikitixa Elkarteak egiten duen lana balioan jarri beharrekoa da. Ez soilik elkarteak egiten duena, baita bestelako talde eta norbanakoek egiten dutena ere". Izan ere, badira inguruan ekitaldia laguntzeko lan ikaragarria egiten duten norbanakoak ere. Aipatu nahi izan du baita ere,  "horrelako ekitaldi berritzaileekin aurrera egiteko pausoak ematen" ari direla elkartean eta "izugarria" dela horretarako egiten duten ahalegina.

Parte hartzaileak

- Aitor Furundarena, Garikoitz Mendizabal eta Imanol Urkizu

- HUNTZA

- HAIZE-T

- Landatarrak

- AMETSAK MARGOTUZ

- Juan Mari Beltran, Andoitz Antzizar eta Errege Belda

- Koldo Iparragirre eta Igor Arostegi

Sarrerak salgai

Martxoaren 14tik aurrera eskuratu ahal izango dira 12€-tan Azpeitiko Mendizabal, Pastorku eta Ametsa tabernetan. Azkoitian Ixidro tabernan: Trikixixa elkartean bertan erreserbak ere egin daitezke Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbide elektronikora edota 943 83 28 28 (goizez) telefonora deituz.

Erreserbak egunean bertan 16:00etatik 16:30etara jaso beharko dira leihatilan (jasotzen ez direnak salgai jarriko dira).

Karnabalen balorazio oso positiboa

Karnabalak bukatu berri dira, eta Azpeitiko Udalak festen balorazio "oso positiboa" egin du. Eguraldiak izugarri lagundu du festa giroaz eta kale giroaz gozateko ostiraletik asteartera bitartean, eta jende "ikaragarri" ibili da kalean. Hala ere, asteartea indartzeko hartutako konpromisoa gauzatzeko eragin zuzena izan zuen eguraldiak: "Asteartea indartzeko kale ikuskizuna jarri genuen arratsaldean, baina juxtu euria hasia zen ordurako, eta ez zuen nahi beste luzitu", adierazi du Mikel Ibarzabal Kultura Batzordeburuak.

Musika kaxa eta freixenet burbuilak izan dira saritu nagusiak

Mozorro asko eta askotarikoak ikusi ahal izan dira gaur iluntzean ere. Epaimahaiak ez du erraza izan sarituak aukeratzea. Azkenean, honakoak izan dira gaurko sarituak.  

Banakako sariketa: 1- Musika kaxa. 2- Valverde denda. 3- Montserrat Caballé eta Freddie Mercury. 
Taberna saritua: Zuhatz.

Taldekako sariketa: 1- Freixenet. 2- Gabonetako otarra. 3- Ostrukak. 4- Tourra.

Hamaika mozorro, astelehen karnabalean

Egunaldia lagun, ehundaka haur eta heldu dabiltz Azpeitian goizean goizetik mozorrotuta. Pailazo, lapur, xagu, pirata... hamaika mozorro ikus daitezke kaleetan. Eguerdian desfilea egin da, eta ehundaka ume zein heldu izan dira parte hartzen. Iluntzean, helduenen txanda izango da. Gaua erortzearekin bat azalduko dira mozorroak agertzen, eta 01:30ean egingo da sari banaketa. 

Elegante Eguna, giro onean

Eguraldia lagun goizean goizetik kale-giro ederra izan da Azpeitian. Diana, zezena eta eguerdian artzai-inudeak izan dira Alde Zaharrean. Hemen Elegante Eguna, iruditan.