Aurten, Udalak iaz bezala 65.000 euroko ekarpena egingo du, eta egutegi bateratuaren aurrekontu osoa 300.000 euro ingurukoa izango da. Bide horretan, Kulturaz kooperatibak inbertsio handiagoa egingo du aurten. Labakak apustu hori eskertu nahi izan du.
Babes zabala
Aurten, iaz ez bezala, egutegi bateratuaren hitzarmenak udalbatza osoaren babesa izan du: "Iaz ezin izan zen aho batez onartu, baina aurten bai, eta positibotzat jotzen dugu hori. Babes hori batzordeetan egindako lanketaren emaitza da, eta lorpen handia da guretzat horrelako kultur proiektu batek babes zabala izatea", azpimarratu du Labakak.