UDALBATZA OSOAK 2015EKO MAIATZAREN 5EAN HARTUTAKO ERABAKIEN LABURPENA.

Azpeitian, 2015eko maiatzaren 5ean, Udaletxeko bilkura-areto nagusian elkartu da Udalbatza Osoa lehenengo deialdian eta ohizko bilkuran, aztergai-zerrendako gaiak eztabaidatu eta erabakitzeko. Eneko Etxeberria Bereziartua alkate-udalburua buru dela, eta Udalbatza Osoak osatzen duten zinegotzi denak bertan direla, bat ezik.

Honako akordioak hartu dira:

1.- Azpeitiko Udalbatzak 2015eko martxoaren 3an eta martxoaren 31n egindako bilkuren aktak onartzea.
2.- GFAren eta Azpeitiko udalaren arteko lankidetza hitzarmena, bizikleta eta oinezkotzako Azpeitia-Urrestilla zatia (5. ibilbidea: Urola bailara 05 015F zatia) egin eta finantzatzeko.
3.- GFAren, Azpeitiko udalaren eta Osakidetzaren arteko lankidetza hitzarmena, "Giltzagune" izeneko proiektua burutzeko, trafiko mugatuko kaleetan larrialdietako zerbitzuak izan dezaketen oztopoak kentzeko helburuarekin.
4.- Azpeitiko Udalaren eta Urola Erdiko Mankomunitatearen arteko hitzarmena iadanik egindako ekarpen guneen jasotze, jabetza eta mantentze lanak zehazteko, eta proiektatuak dauden guneak sustatzeko, kontratatzeko, burutzeko eta jasotzeko.
5.- Sebastian Deunaren ohorezko jaietan egiten den helduen danborrada arautuko duen udal agintarau berriari hasierako onarpena ematea onartzen da.
6.- Hasierako onespena ematea Etxez Etxeko laguntzarako Zerbitzuaren Udal-arautegiari.
7.- "Azpeitia 1960-2013: Giza eskubideen urraketak eta beste oinazeak" pertsonal datuen fitxategia sortzea.
8.- Galdera eta erreguak.