wrapper

Uztailaren 6ko Gobernu Batzordearen laburpena

HERRIAREN GOBERNU BATZARRAK 2021eko UZTAILAREN 6an HARTUTAKO ERABAKIEN LABURPENA.

Azpeitian, 2021eko uztailaren 6an, Udaletxeko bilkura-areto nagusian elkartu da Herriaren Gobernu Batzarra lehenengo deialdian eta ohizko bilkuran, aztergai-zerrendako gaiak eztabaidatu eta erabakitzeko. Nagore Alkorta Elorza alkatea buru dela, eta batzarra osatzen duten zinegotzi denak bertan direla.

Honako akordioak hartu dira:

1.- Herriaren Gobernu Batzarrak 2021eko ekainaren 1ean egindako bilkuraren akta onartzea.

2.- EJko ingurumen kalitatearen eta ekonomia zirkularraren zuzendaritzak Rugui Steel SLri hondaketa lanak egiteko emandako baimenaren berri ematea (Lurzoruaren kalitateari buruzko legea).

3.- Gipuzkoako Ur Kontsortzioari hirigintza lizentzia ematea Azpeitiko EDAR Badiolegin dagoen Urola Erdiko hondakin-uren egungo araztegian, erreaktore biologiko berri bat eraikitzeko.

4.- Inversiones Sectores Varios SLren izenean, Foru ibilbidea, 14 atzealdean dagoen pabiloian autokarabanentzako neguko parking-a antolatzeko egitasmoaren inguruan, hirigintza sailak emandako txostenean jasotzen diren baldintza guztiak bete beharko dira behin behineko jarduera jartzeko.

5.- Nicolas Egaña Agirrezabalek sustatuta, Plaza Nagusia 8 behean dagoen ostalaritzako lokalaren atzealdeko patioan iadanik egindako eraikuntza legeztatzeko proiektu teknikoa exekutatzeko hiru hilabeteko epe berria ematea.

6.- Elmubas Iberica SLri obra baimena ematea aurkeztu duen Oinarrizko proiektuan jasotako bigarren faseko lanak egikaritzeko.

7.- Arrite SLri, Enparan kalea, 12ko orubean 16 etxebizitza eta apartamentuak eraikitzeko lanetarako aurkeztu duen exekuzio proiektua onartzea.

Azpeitia, 2021eko uztailaren 20a
UDALAREN IDAZKARIA,

Olatz Eizagirre Orbegozo

Dokumentua

2017 - Azpeitiko Udala.
ElkarMediak garaturiko webgunea

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information