wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

39 urte bete ziren atzo Pasaiako badiako gertaeretatik eta familiak duela hiru urte egindako txosten baten berri jaso du. Azken gertaeren aurrean, Azpeitiko Udalak bere babesa azaldu nahi die senideei eta hildakoak oroitzeko egingo diren datozen hitzorduetan parte hartuko du udal gobernuak.

Atzo, martxoak 22, 39 urte bete ziren Pasaiako badian Dionisio Aizpuru eta Pedro Mari Isart azpeitiarrak eta Rafael Delas eta Jose Maria Isidro Izura iruindarrak hil zituztela. Eta egun seinalatu horretan, familiek Eusko Jaurlaritzaren eskariz, duela hiru urte Euskal Herriko Unibertsitateko (EHU) Unesco giza eskubideen eta botere publikoen katedrak eginiko ikerketa baten berri eman dute.

Egin zenetik hiru urtera ezagutu den txostenak kasuaren inguruko zenbait datu eta argibide garrantzitsu biltzen ditu bai familiarentzat eta baita udalarentzat ere. Horregatik, data seinalatu hauetan, eta senideek Eusko Jaurlaritzaren aldetik jaso duten tratuaren aurrean, babesa adierazi nahi die udalak.

Azpeitiko Udala hasieratik pertsonatu zen akusazio partikular gisa kasuan, herri interesekoa delakoan kasua argitzea. Bide horretan, Eusko Jaurlaritzak Euskal Herriko Unibertsitateko (EHU) Unesco giza eskubideen eta botere publikoen katedrak eginiko ikerketarik ez diola bidali adierazi nahi du. Beste giza eskubide urraketa guztietan bezala, Pasaian hil zituztenen kasuan ere gertaturikoaren inguruan egia jakitea aldarrikatzen du. Ondoren justizia eta erreparazio bideak egiteko.

Horregatik, Udal Gobernua gertatua oroitzeko larunbateko ekitaldian eta asteartean, Pasaian zeuden 7 polizien identifikazio saioaren baitan egingo den elkarretaratzean familiaren ondoan izango da, eta herritarrak ere bertan parte hartzera gobidatzen ditu.