Uraren Munduko Eguna dela eta, martxoaren 25 eta 26an, Igarako Errota martxan ikusteko aurrera eskainiko da. Ekoetxeak antolatzen dituen herritarrentzako ekintzen baitan antolatu du ekintza, eta bi egun horietan, egun bakoitzean bitan izango da ikusgai. Larunbatean, martxoak 25, 16:00etan eta 17:00etan jarriko da martxan; igandean, 26an, berriz, 11:00etan eta 12:00etan. Familiei zuzenduriko ekintza da.
Igarako errota Loiolako santutegitik metro gutxira, Sistiagako bidegurutzean, dagoen XVIII. mendeko errota da, eta bisitariek errekako ura erabiliz arto-irina nola egiten den ezagutzeko aukera izango dute. Bisitak doakoak izango dira eta ez dago aurrez izena eman beharrik. Nahikoa da bertara azaltzea ordurako.
