Gizarte Zerbitzuen bulego berriak abian izango dira astelehenetik, martxoaren 20tik, aurrera. 1766ko Matxinada Kaleko 3-4 zenbakira, Artetxe aurrera, joan beharko dute hemendik aurrera zerbitzua jaso nahi duten herritarrek. Egun horretan, 10:30etan inaugurazioa egingo da eta 12:00ak bitartean, herritarrentzako ate irekiak izango dira, egoitza berria ezagutu dezaten. Udalak herritarrak azpiegitura berria ezagutzera gonbidatu nahi ditu.

Bulego aldaketa tarteko, bihartik ostiralera bitartean, udaletxeko gizarte zerbitzuen harrera itxita izango da. Hala ere, zerbitzua telefonoz, 943 15 71 92 telefono zenbakira deituta, eta beharrezkoa ikusten den kasuetan aurrez aurre ere eskainiko da.

Azken urteotan Gizarte Zerbitzuen saila asko hazi da, bai zerbitzuen kopuruan eta baita herritarren beharrei erantzuteko giza baliabidetan ere. Udaletxeko bigarren solairutik atera eta behe solairuan herritarrengandik gertuago, eskurago, egoteko helburuarekin lekualdatzea erabaki zuen udalak. Obrak egin ostean, datorren astean irekiko da.