wrapper

Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,
Azpeitia duinago, aktiboago, iraunkorrago, bizigarriago eta errotuago baterako agintaldi plana
"Nolako herria nahi dugu azpeitiarrok etorkizunean?". Azpeitiko udal gobernuaren ustez, hauxe da galdera horren erantzuna: duinagoa, aktiboagoa, iraunkorragoa, bizigarriagoa eta errotuagoa. Bost ezaugarri horiek iparrorratz gisa hartuta, eta

etxebizitza bulegoa

XXXIII. edizioa du aurten, Euskal Herriko Trikitixa Elkarteak eta Azpeitiko Udalak elkarlanean antolatzen duten jaialdiak. Guztia prest daukate antolatzaileek aurten ere trikiti doinuez gozatzeko.

Asteburuko trikiti doinu eta emozioak oraindik atzean utzi gabe, datorren trikiti jaialdirako motorrak berotzen hasiak dira Azpeitian. Urteroko zitari ez dio hutsik egingo Azpeitiari San Josetako Trikitixa Jaialdiak. Beste urte batez Soreasuko plaza betetzeko prest dira antolatzaileak. Martxoaren 18an, larunbatean 17:30etatik aurrera trikitixa eta panderoa izango dira protagonista. Aurten, XXXIII. edizioa izango da.

Azpeitiko Udalaren izenean, Euskal Herriko Trikitixa Elkartea eta Azpeitiko zein eskualdeko trikiti munduan dabiltzanak eskertu ditu Eneritz Albizu Kultura batzordeburuak: "Trikitia gure herriaren eta eskualdearen iraganaren eta orainaren parte garrantzitsua da. Iraganera begiratzea ezinbestekoa da, gaur, oraindik duen indarra ulertzeko. Gure herriaren, kulturaren eta hizkuntzari erabat lotutako kultur disziplina da eta hori bultzatzeko gu beti ondoan izango gaituzue". Larunbateko San Josetako Jaialdiaren garrantzia ere azpimarratu nahi izan du: “Urteroko hitzordua da, hitzordu garrantzitsua trikitixa gustuko dutenentzako, eta bertara joateko gonbidapena egiten diegu zaleei.

Agurtzane Elustondo Euskal Herriko Trikiti Elkarteko lehendakariak, urtean zehar antolatzen dituzten egitasmoen artean “trikitiaren sentsibilitate eta behar ezberdinak” erantzuten saiatzen direla aipatu du. San Josetako Jaialdia berriz “publiko orokorrari zuzendutako ekitaldia izaten da, ikus entzule helduak eta gazteak berdin inguratzea lortzen dugularik”.


Ibon Errazuk, EHTEren antolakuntzako kideak bere aldetik, “urtero saiatzen gara oholtza honetan parte hartu izan ez duen bikote eta taldeei aukera ematen, nahiz eta ez den erraza izaten”. Aurten ere, plaza ezberdinetan ezagunak diren bikote batzuk lehen aldiz parte hartuko dute jaialdian. “Era berean, soinu txiki eta panderoarekin batera bestelako instrumentuak ikusi ahal izango dira, hala nola, Traditions & Tradizioak taldearen eskutik, isats-pianoak eta kontrabaxuak, soinu txikiaren doinuak jantziko ditu”.

Sarrera batzuk oraindik gelditzen dira salgai 13,5 €-ren truke Kulturazen webgunean edo aurrez aurre Sanagustin kulturgunean.

Jaialdiko parte hartzaileak

  • Aritz, Aitziber eta Anaitz
  • Eneko Arbeo eta Jon Izagirre
  • Eider eta Lierni Tolosa
  • IÑORKINAK
  •  Garixe eta Maltzeta
  • Traditions & Tradizioa
      • Joshua Edelman, Ander Garcia, Xabi Arakamaeta Imanol Intxausti
      • Gonbidatu berezia: Iñaki Larrañaga
  •  Enaitz Alberdi, Amets Bilbao, Jokin Tolosa eta Ander Gorostiaga

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information