Azpeitian, Herri Hezitzaileen filosofiaren baitan, egitasmo ezberdinak abian jarri dira azken urteotan. Hala, 2018an arlo ezberdinetako eragileekin elkarlanean diagnostiko bat egin eta azken urteotan identifikatutako erronkak ardatz hartuta egin dira aurrerapausoak. Lau urteko lanketaren ostean, herriko ikastetxeek, udalak, hezkuntza ez formaleko eragileek eta herrigintzakoek elkarlanean garatzen duten herri hezitzailearen egitasmoak fase berri bati ekiteko nahia eta beharra sentitu ditu eta aipatutako diagnosiaren eguneraketa bat egiteko prozesua abiatu du. Hala, lehen bilera asteazkenean egin zuten.
Arloz arlo identifikatu zirenerronka haietatik zeintzuk landu diren zeintzuk ez eta zergatik… elkarbanatzearoi ekin zioten. Aurrera begira, "hurrengo urteei begira aurreikusten ditugun erronkak identifikatu eta horiek modu kolektiboan landu ahal izateko sortzen zaizkigun beharrak identifikatzea" da helburua. Horretarako, beste bi hitzordu ere badituzte zehaztuta. Otsailailaren 28, 17:30etik 19:30era bitartean, arlo bakoitzak diagnosiaren eguneraketa aurkeztuko du eta erronka berrietatik zeintzuk burutu daitezken elkarrekin erabakiko dute. Eta elkarrekin aritzeko beharrak identifikatuko dituzte. Martxoaren 28an, leku eta ordu berean, hezkuntza elkargunea ezaugarrituko dute. Elkarrekin garatu beharreko erronkak lantzeko plangintza definitu eta hori aurrera eraman ahal izateko hezkuntza foroan egon beharko duten eragileak eta ardurak zerrendatuko dituzte. Saioak Basazabal Formazio Zentroan izango dira.
