wrapper

Ekindarren eguzki plakak ezartzeko plan berezia onartu da berme juridiko eta legal guztiekin
Atzoko plenoan onartu zen (EHBilduren aldeko eta EAJren aurkako botoekin) Ekindar azpeitiarren energia kooperatibak Urrestillan plakak jartzeko Plan Berezia. Behin proiektuaren tramitazio guztia eginda, obrei lotutako baimenak eskatzeari ekingo
Urriaren 11n, 19:00etarako deitu du Azpeitiko Udalak herritarrentzako batzar irekia
Pasa den astean, gaia publiko egin zenean Nagore Alkorta Azpeitiko alkateak iragarri moduan, urriaren 11n (asteartea), 19:00etan, Soreasu antzokian egingo da ‘Piaspe’ deituriko eolikoen proiektuaren inguruko batzar irekia, herritarrekin. Batzarraren
Euskara hautu natural izatetik aukera kontziente izateko beharra
Atzo aurkeztu ziren 2021eko udazkenean Sozialinguistika Klusterrarekin elkarlanean egindako hizkuntzen kale erabileraren neurketaren emaitzak. Emaitza onek, euskararen kale erabilera %86,6koa dela neurtu dute, herritarren kezkarekin kontrastatu

AzpeitiaOroimena

AzpeitiaOroimena

Gaur arratsaldean, 18:30ean, Basazabal Formazio Zentroan aurkeztuko dira emaitzak. Azalpenak emateko bertan izango da Soziolinguistika Klusterreko Belen Uranga. 

Gaur arratsaldean aurkeztuko dira Azpeitian eginiko hizkuntzen kale erabileraren inguruko azterketa. 2021eko udazkenean egin zen neurketa, eta gaur xehetuko ditu Belen Uranga Soziolinguistika Klusterreko kideak. Hizkuntzen kale neurketa bost urtean behin egiten da; Azpeitian, aurrekoa 2016an egin zen. 

Gaurko saioan, azken neurketako datuak plazaratzeaz gain, azken urteotako datuak alderatuz joerak ere ezagutzeko aukera izango da, 

Hitzaldia, Azpeitiko Udalak Euskararen Plan Estrategikoa osatzeko prozesuaren baitan eskainiko du. Gaurko hitzorduaz gain, talde-dinamikak ere antolatu ditu gaian sakontzeko. 

Honakoak izango dira lan saioak: 

Urriaren 4a. Hezkuntza eta familia.
Urriaren 5a. Aisialdia, kirola eta jaiak.
Urriaren 18a. Kultura eta sormena.
Urriaren 19a. Bizilagun berriak.
Urriaren 25a. Lan mundua, zerbitzu publikoak eta turismoa.
Urriaren 26a. Euskalgintza.

Lan dinamikez gain, galdetegi bat ere banatu du udalak etxez etxe, eta online egiteko aukera ere badago. 


• Internet bidez: eskuorrian duzun QR kodea erabilita edo https://labur.eus/azpeitiaeus helbidera sartuta.
• Etxez etxe banatutako eskuorria udal eraikinetan entregatuta: udaletxean, euskara patronatuan, liburutegian edo igerilekuan.
• Eskuorria herritarrentzat jarritako buzoietan utzita: anbulatorio aurrean edo epaitegi atzean.

Zer da neurketa?
Hizkuntzen Erabileraren kale neurketa aldian behin egiten den ikerketa bat da. Hiztunen kale-erabilera du aztergai, hau da, kasu honetan, Azpeitiko kaleetan entzuten den hizkuntza-erabilera behatzen du. Helburua, herrian euskaraz zenbat hitz egiten den aztertzea da.

Datu-bilketa behaketa bidez egiten da, neurtzaileek kalean dabiltzan hiztunei ezertxo ere galdetu gabe eta entzuten dutena jasoz alegia. Modu horretara, hiztunak ez du jakiten behatua izaten ari denik, eta neurtzaileek hiztunaren berezko joera jasotzen dute.