wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

Lehiaketa publikoa abiatu du obrak esleitzeko eta gehinezko aurrekontua 146.072€koa izango da. Proposamenak aurkezteko epea ekainaren 1ean bukatuko da.

Azpeitiko Udalak urtero bezala, hainbat baserri bide konpontzeko diru partida jarria du 2022rako. Oraingoan 5 baserri bide konpontzeko proiektuak egin eta lehiaketa publikoa martxan jarri du, eta proposamenak edo eskaintzak aurkezteko epea ekainaren 1ean bukatuko da.

Zehazki, Abitain, Alabier, Urreta eta Etxe-alai arteko bidea; Oñazko Larrea eta Zabale artekoa; Aitzumarriagagoikoa eta Pagotxeta artekoa; Gerranzuri ella Antxieta (Urrestilla) artekoa eta Urrestillako Altzasu eta Bikendi artekoa konponduko dira.

Bide horien konponketaren bidez, landa eremuko bizilagunen segurtasuna eta irisgarritasuna hobetzea da helburua: “Landa eremua bizirik mantentzea oso garrantzitsua da udalarentzat. Horregatik, eremu horietako azpiegiturak ondo mantentzeko baliabideak jartzen ditugu urtez urte, tartean irisgarritasuna hobetzeko errepideak hobetzeko. Hala, neurri desberdinak hartuz, pixkanaka landa eremuko herritarren bizi kalitatean eragiten dugu”, adierazi du Josu Labaka Zerbitzu Orokorretako zinegotziak.

Sistiaga errekako bidea

Landa eremuko errepideen baitan, Azpeitiko Udala iazko abenduan Sistiaga errekan luizia izandako errepidea konpontzeko lanean ere ari da, baina irtenbide eta konplikatua du. Iazko abenduan errepidea erori zenetik, bertako bizilagun guztiekin harremanetan da udala. Luizia izandako bidea itxita dago ibilgailu zein oinezkoentzat herritarren segurtasuna bermatzeko, izan ere, azterketek luizi handiagoa gertatzeko arriskua dagoela adierazten dute, eta bizilagunek badute beste bide bat erabilgarri, Azkoitia aldera.

Azpeitiko Udala proiektua egiten ari da errepidea konpondu ahal izateko, eta lehen aurreikuspenen arabera, konponketak 600.000€ inguruko inbertsioa eskatuko luke. Hori horrela, emergentzietarako diru laguntza eskatzeko bidean da udala. Eta horretaz gain, alternatiba eta bide ezberdinak aztertzen ari da obra bideragarriago izateko helburuz.