wrapper

Ekindarren eguzki plakak ezartzeko plan berezia onartu da berme juridiko eta legal guztiekin
Atzoko plenoan onartu zen (EHBilduren aldeko eta EAJren aurkako botoekin) Ekindar azpeitiarren energia kooperatibak Urrestillan plakak jartzeko Plan Berezia. Behin proiektuaren tramitazio guztia eginda, obrei lotutako baimenak eskatzeari ekingo
Urriaren 11n, 19:00etarako deitu du Azpeitiko Udalak herritarrentzako batzar irekia
Pasa den astean, gaia publiko egin zenean Nagore Alkorta Azpeitiko alkateak iragarri moduan, urriaren 11n (asteartea), 19:00etan, Soreasu antzokian egingo da ‘Piaspe’ deituriko eolikoen proiektuaren inguruko batzar irekia, herritarrekin. Batzarraren
Euskara hautu natural izatetik aukera kontziente izateko beharra
Atzo aurkeztu ziren 2021eko udazkenean Sozialinguistika Klusterrarekin elkarlanean egindako hizkuntzen kale erabileraren neurketaren emaitzak. Emaitza onek, euskararen kale erabilera %86,6koa dela neurtu dute, herritarren kezkarekin kontrastatu

AzpeitiaOroimena

AzpeitiaOroimena

Herriko enpresak ikusi eta ezagutzeko konpromisoaren baitan, Nagore Alkorta alkatea eta Leire Goenaga Ogasun batzordeburuak Tecnicur enpresa bisitatu dute Iraurgi Berritzeneko Iztiar Abarisketa eta Jaione Valberderekin batera. Bertan, Diego Benitez enpresako kidearekin elkartu ziren.

“Herriko enpresak eta industria ezagutzeak garrantzia handia du guretzat; hala bidetuzten lehentasun eta beharren berri ere jasotzen dugulako. Eta, horrela, gure baliabide publikoak hobeto bideratzea ere ekartzen du”, adierazi du Nagore Alkorta alkateak. Egiten ari diren bisitetan, azken urteotan sustapen ekonomikoaren baitan udalak emandako laguntzekin egindako inbertsio eta hobekuntzak ezagutzeko aukera izaten ari dira. “Interesgarria da oso herriko ehun ekonomikora bideratutako diru publikoarekin enpresetan egin diren aurrerapenak ikustea. Ikusi dugu dibertsifikaziorako edo enpresaren etorkizunari begirako inbertsietarako balio izan dutela”.

Tecnicur enpresa 2015ean sortu zen eta sukaldeko eta bainuko altzari laguntzaileak fabrikatzen dituzte, batez ere. Soluzio industrialak ematen dizkiete zailtasun tekniko handiko piezei.
Eraikuntzaren sektorerako panel akustikoak ere egiten dituzte, kanpokoak zein barrukoak. Eta, ikerketa-proiektuak ere egiten dituzte beraien ekimenez, bezeroak berrikuntzaren arloan dituzten eskaerei irtenbide teknikoak emateko etengabeko beharraren ondorioz. Sustapen ekonomikorako laguntzen bidez, enpresaren sorrera, inbertsioak eta proiektu estrategikoak lagundu ditu diruz udalak.