wrapper

Ekindarreko bazkideek eska dezakete udalaren dirulaguntza
Ekainaren 30era arte eska daiteke dirulaguntza eskaera udaletxeko Herritarren Arreta Zerbitzuan eginda. Diru laguntza orokorra 500€koa izango da, gehienezkoa ekarpenaren %50a izanik. Egoera ekonomiko zailean dauden herritarrentzako laguntza
Osasun mentalaren inguruko jardunaldia egingo da Azpeitian
Hiru saiok osatuko dute osasun mentalaren inguruko jardunaldia. Saioak maiatzaren 19, 26 eta ekainaren 2an izango dira, 18:00etan hasita, Azoka plazako lehen solairuko aretoan. Doakoa izango da eta ez da izenik eman beharko aurrez. Udalak
Babes sozial eta ekonomikorako 11 neurri zehaztu eta 2 milioi euro bideratu ditu udalak
Egoera ezegonkorrari erantzuteko 11 neurri zehaztu ditu Azpeitiko Udalak eta gaur aurkeztu ditu neurrien inguruko xehetasunak. Babes sozial eta ekonomikoa eta trantsizo energetikoaren baitan hartutako neurriak dira eta prentsaurrean azaldu dituzte

AzpeitiaOroimena

hitzordua

Urola Erdiko udalerrietako (Azpeitia, Azkoitia, Zestoa, Aizarnazabal, Errezil eta Beizama) ekintzaileei zuzendutako laguntza eskaera guztiak Azpeitiko Udalak kudeatuko ditu eta eskaerak azaroaren 19tik abenduaren 13ra arte aurkez daitezke, udaletxean.

Eskualdeko ekintzaileei zuzendutako laguntzak eskatzeko epea ireki du Lanbide enplegu zerbitzuak. Azpeitiko ekintzaileenak ez ezik, eskualdeko osokoen eskaerak kudeatzeaz arduratuko da Azpeitiko Udala. Beraz, udaletxean aurkeztu beharko dituzte ekintzaileek beren proiektuak eta eskaerak, abenduaren 13ra bitartean.


Bi motatako laguntzak izendatu ditu Lanbidek: negozio ideia bat duten ekintzaleentzako lerroa, batetik: eta bideragarritasun plana dagoeneko landuta duten eta jarduera abian jartzeko azken bultzada behar duten ekintzaileei bideratutakoa, bestetik.


Negozio bat abiatzeko ideia dutenen kasuan, bi hilabetez negozioaren azterketa lantzeko konpromisoa eskatzen da deialdi honetan, eta adinaren eta generoaren arabera, onartutako eskaerek 1.000 eta 1.300 euro arteko dirulaguntza jasoko dute. Urola Erdian aurkezten diren eskaeren artean, gehienez zortzi onuradunen proiektuak lagunduko ditu Lanbidek.


Jarduera abian jartzeko laguntzari dagokionez, hiru hilabeteko dedikazioa eskaintzeko konpromisoa eskatzen da, eta epe hori amaitu ondoren enpresa abian jartzekoa ere bai. Hori horrela gauzatzen bada, eta adinaren eta generoaren arabera, 1.500 eta 1.950 euro bitarteko laguntza jasotzeko aukera izango dute beste zortzi ekintzailek.


Onartutako ideien eta proiektuen tutorizazio prozesua abenduaren 15ean hasiko da.


Eskaera orriarekin batera, errolda agiria, Lanbiden izena emanda egotearen ziurtagiria, bizitza laborala eta ogasunean jarduera ekonomikoen zergan, azken urtean, altan ez direla egon adierazten duen ziurtagiria aurkeztu behar dituzte. Horretaz gain, negozio bat abiatzeko ideia dutenen laguntzetara aurkezten direnek beren proiektuaren deskribapena aurkeztu beharko dute; eta, jarduera abian jartzeko lerrora aurkezten direnen bideragarritasun plana.