Ostiraletik aurrera, berriz, ohiko jarduna abiatuko du. Hala, 10:00etatik 22:00etara izango da irekita asteartetik igandera bitartean; astelehenetan ixtita izango da. Bertan, kafetegi taberna zerbitzua eskaintzeaz gain, gosari, hamaiketako, bazkari, afari eta bestelakoak ere eskainiko dizkiete herritarrei.
Santosek inguruarekin eta ekipamenduaren ezaugarriekin bat datorren zerbitzua eskainiko du, eta bezeroak euskaraz atendituko ditu. Jatetxean bertako produktuak eskaini beharko ditu eta adinekoentzako Baigerako Zuzendaritza Batzordeak ezarritako tarifa bereziak aplikatuko ditu.
Horretaz gain, legea betez, adin txikikoei ezingo die alkoholik saldu, ezingo da erre, prezioen zerrenda eta jarduera lizentzia ikusgai eta erreklamazio orriak eskura izan beharko ditu, besteak beste.
