wrapper

Oharrak

Merkataritzan eta lan munduan ere euskararen normalizazioan aritzeagatik eskertu ditu udalak
Elikagunea kudeatzen duen Artxara Kooperatiban izan dira Nagore Alkorta alkatea, Ainara Larrañaga Euskara Batzordeburua eta Nerea Arexolaleiba Elegune, enpresetan euskara planak egiteko udalak eskaintzen duen zerbitzuko teknikaria, euskararen alde
Eraso matxisten inguruko sentsibilizazio eta informazio udako kanpaina abian da
Udara begira, eraso matxisten aurkako sentsibizilizazio eta informazio kanpaina jarri du Azpeitiko Udalak, Emakume Txokoa eta Emakume Mahaiarekin elkarlanean. Hala, eskuorri bat osatu dute eta datozen egunotan herriko etxe guztietara banatuko da.
Bi sormen prozesu eta sei proiektuk jaso dute Sormen Beka
Inoiz baino proiektu gehiago aurkeztu dira Azpeitiko Udalaren Sormen Beketara: 22 hain zuzen. Atzo eman zuten beka jasoko duten proiektuen aurkezpena. Guztira 6 sormen prozesu lagunduko dira diruz; bi sormen egonaldi eta beste 6 proiektu. Guztira,

AzpeitiaOroimena

hitzordua

Gaur bukatu dira Udal Udaleku Iekiak, lau asteko jolas, irteera eta bestelakoren ostean. COVID-19ak baldintzatu ditu, baina hala ere, egoerak utzitako eskaintza oparoena egin zaie herriko haurrei. Hilabete osoan zehar herrian hainbat ekintza egin dituzte eta udalekuen "balorazio positiboa" egiten du udalak. Hala, herriko txoko ezberdinak ezagutzeko aukera izan dute parte hartzaileek eta beren erantzuna “izugarria” izan da.

Aurtengoan, 405 haurrek parte hartu dute eta begirale edo hezitzaile lanetarako 46 profesional kontratatu ditu udalak. Azken urteetan bezala, herriko eragilerekin elkarlanean egin dituzte hainbat ekintza. Aurtengoan, Xeye Atletismo taldearekin, Kulturazeko lan-taldearekin, Tren Museoko kideekin, Ekoetxeko kideekin elkarlanean aritu dira eta mendi irteerak, eskulanak edo altxorraren bila bezalako ekintzak egiteko aukera izan dute. Eguraldiak ez badu gehiegi lagundu ere, aurreikusitako ekintzak egin dituzte.

Aurreko urteetan bezala, zaintza zerbitzua eskaini da herriko bi ludoteketan, eta horrek ere erantzun ona izan du. Gurasoen partetik ere balorazio positiboak jaso dira.

“Aurtengoan ere, udal udalekuen bidez, haurrei aisialdiaz elkarrekin gozatzeko aukera eskaini diegu. Erantzuna oso ona izan da eta gustura gaude azken hilabete honek eman duenaz. Ez ohiko egora batean egonagatik, haurrek jolasaz eta lagun arteaz gozatzeko aukera izan dute”, adierazi du Ainara Larrañaga Gazteria zinegotziak. Urtez urte eskaintzen den zerbitzua hobetzen saiatzen direla azpimarratu du eta aurtengoan jasotako hobekuntza proposamenak kontuan datorren urteko Udalekuak antolatzerako orduan kontuan izango dituztela gaineratu du.

 

Udalekuak, argazkitan

udalekuak

udalekuak1

udalekuak2

udalekuak4

udalekuak5

udalekuak6

udalekuak7