wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

IMG 2268

Herriko haur guztiek hainbat jolas eskura izan ditzaten, jolasen mailegu zerbitzua du abian Azpeitiko Udalak. Zerbitzu berri honen bidez, okerren pasatzen ari diren familietako haurrek ere jostailu desberdinak etxean jolasteko izatea du helburu, besteak beste.

Liburutegian liburu zein DVD-ak epealdi batez etxera emateko aukera izaten den bezala, apirilaren 12tik aurrera, jostailuen mailegutza ere eskainiko du Azpeitiko Udalak. Nor da nor?, Twister, Bamboleo, Koloretako munstroa, bikote jolasak…. Eta beste hainbat joku izango dituzte herriko haurrek eskura , katalogo oparoa osatu du jostailuen mailegutza zerbitzuan jartzeko; 60 bat jostailu izango dira aukeran, mahai jolasak gehien bat.

Mahai jolasak eta familian erabiltzeko aukera ematen duten jolasak dira gehienak. Euskararen erabilera sustatzea ere badu helburutzat mailegutzak, jolas guztiak euskaraz erabili daitezkeelako. Gainera, nahi eta ahal izatera, herriko dendetan eros daitezkeen jostailuak dira guztiak.

Funtzionamendu sinplea
Hemen azpian aurki dezakezu mailegutza zerbitzuan aurki daitezkeen jostailuen katalogoa. Horrekin batera, jostailua hartu ahal izateko bete beharreko galdetegia ere hor duzu. Aste bakoitzeko osteguna baino lehen egin behar da eskaera eta ostiraletan jaso ahalko da jolasa, aukeratutako ludotekan. Hurrengo asteko asteartera arte izango dute jolasa itzultzeko epea.

Edozein zalatza, informazio edo gomendio behar izatera, herriko ludoteketara joan daitezke herritarrak edo bidali emaila Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera.

  

Jostailuen katalogoa

 

Egin zure eskaria