wrapper

SALAKETA KANALA

Maiatzaren 4ra arte bete ahal izango dira alde zaharreko trastelekuei buruzko galdetegiak
Maiatzaren 4ra arte bete ahal izango dira alde zaharreko trastelekuei buruzko galdetegiak
Atzo, apirilak 15, alde zaharreko bizilagunekin bilera egin zuten Nagore Alkorta alkateak eta Mikel Odriozola zinegotziak. Alde zaharra bizigarriago egiteko asmoz, trasteleku komunitarioak egiteko proiektua du esku artean udalak, etxeen
Gehiago irakurri
HAZeko izapide elektronikoak egiteko ekipoa igerilekuan egongo da aurrerantzean
HAZeko izapide elektronikoak egiteko ekipoa igerilekuan egongo da aurrerantzean
Ordainagiriak edo isunak ordaintzeko, errolda agiria ateratzeko, idatziei sarbidea emateko eta beste hainbat tramite egiteko aukera ematen du herritarren arreta zerbitzuko izapideak egiteko ekipoak. Udaletxeko lehen solairuan egon da orain arte,
Gehiago irakurri
Zaparraie taldea, Azpeitiko Euskara Mahaiko kide berria
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Gehiago irakurri

Covid-19ari aurre egiteko establezimenduetan egindako inbertsioak laguntzeko dirulaguntza abian da

2021/03/26
Covid-19ari aurre egiteko establezimenduetan egindako inbertsioak laguntzeko dirulaguntza abian da

Merkataritza eta ostalaritza establezimenduek Covid 19aren ondorioz ezarritako osasun protokoloak betetzeko eginiko inbertsioak laguntzeko dirulaguntza deialdia jarri du abian Azpeitiko Udalak. Apirilaren hasieratik maiatzaren 18a bitartean aurkez daitezke eskaerak.

Diruz lagunduko dira 2020ko martxoaren 14tik 2021eko maiatzaren 15era bitartean osasun alarma egoerari aurre egiteko establezimenduak egokitzeko establezimenduetan egindako inbertsioak eta ekipamenduak. Baita inbertsioak gauzatzeko azterketak ere, jarduera ekonomikoa koronabirusari aurre egiteko prestatzeko egin badira.

Besteak beste, honako kontzeptu hauek lagunduko dira:

• Lokalak eta laneko moduak egokitzea.

• Segurtasun eta osasunaren irizpideak/protokoloak betetze aldera, merkataritza- edo ostalaritza-lokalak moldatzeko inbertsioak eta ekipamendua.

• Bezeroekin eta erakunde hornitzaileekin harreman berriak antolatze aldera, laneko moduak egokitzeko inbertsioak eta ekipamenduak.

2.000€ arteko laguntzak
Diruz lagundu daitekeen gehieneko gastua jarduketaren aurrekontuaren % 100 artekoa izango da, gehienez, 2.000 eurokoa establezimendu bakoitzeko. Fakturen datak eta bere ordainketak aurrez aipaturiko epealdiaren barrukoak izan beharko dute.

Dirulaguntzaren onuradunak izan daitezke beren kontura lanean diharduten pertsonak edo autonomoak, baita enpresa txikiak ere, beren forma juridikoa edozein dela ere, 15 langile baino gutxiago badituzte eta txikizkako merkataritzaren nahiz ostalaritzaren sektoreetan badaude. Horrez gain, urteko negozio-zifrak ez du 1 milioi euro gainditu beharko.