Bukatzear den 2020. urtean bete ditu Kili kolor dendak 25 urte. Azpeitiko Udalak eta Bertan Merkataritza elkarteak urte guzti horietan herriko merkataritzaren alde egindako lana eskertu nahi izan die, bereziki gogorra izan den urtean. Agustin Lizarralde udal zinegotzia eta Lore Garciarena Bertaneko teknikaria izan dira zoriontzen, eta egindako lana errekonozitzeko Udalaren oroigarria ematen.
"Herria bizirik mantentzeko ezinbestekoa da bertako merkataritza eta ostalaritza, guk bertako merkataritza txikiaren aldeko apustu sendoa egiten dugu eta, orain, inoiz baino gehiago herria bizi mantentzeko ahaleginean segitzeko eskatu nahi dizuegu", adierazi du Lizarraldek.