Gaur bukatu dira haurrentzat antolatutako Gabon ekintzak. Aurten, Covid 19aren pandemiaren ondorioz bizi dugun alarma egoera dela eta, neurri bereziak hartuta eta herrian bertan egindira hiru egunez ekintzak.
160 haurrek hartu dute parte Azpeitiko ekintzetan; eta 22rek Urrestillakoetan. Ekintzak aurrera ateratzeko, berriz, 30 laguneko lantaldea izan da buru belarri lanean. Aurten 5 laguneko talde txikietan egin behar izan dituzte ekintza guztiak, baina hala ere, oso balorazio positiboa egiten du Udalak. Nerabeentzat ere Gaztelekua irekita izan da eta hezitzaile eta gazteek hala adostuta, tailer ezberdinak egin dituzte eguerdietan.
Datozen egunotan, urtarrilaren 7a bitartean, itxita izango dira gazteria zerbitzuak.
