wrapper

Oharrak

Administrarien lan poltsa osatzeko deialdia egin du Azpeitiko Udalak
Azpeitiko Udalak administrarien lan poltsa osatzeko deialdia jarri du abian. Eskaerak Herritarren Arreta Zerbitzuan (HAZ) eta online bidez aukez daitezke, otsailaren 12a bitartean. Azpeitiko Udalak administrarien bi lan poltsa osatzeko
'Amamaren danborra' dokumentalaren estreinaldiko ekitaldia, bideoan
'Amamaren danborra' dokumentala aurkeztu zen atzo arratsean Soreasun. Dokumentala lehen aldiz jendeaurrean eskaini aurretik eginiko ekitalditxoa bideoan bilduta hemen ikusgai.    
Emakumeek danborradan parte hartzea bultzatu dutenei errekonozimendua eginez estreinatu da
Gaur arratsaldean estreinatu da Amamaren danborra dokumentala, Soreasun;  protagonistak eta danbor taldeetako ordezkariak bertan zirela. "Bihotzez eskerrak eman nahi dizkizuet gizonentzako egindako mundu honetan emakumearen presentzia

parteahartzea90px

etxebitzenzozketa2

Osasun krisiak eta ondorioek baldintzatuko osatuko ditu Udalak 2021. urteko udal aurrekontuak. Alde batetik, foru funtsaren ekarpena %5 inguru jaitsiko da; eta, bestetik, aurrekontuak osatzeko prozesua bera ere egoerara egokitu dute. Abenduko plenoan  onartuko dituzte aurrekontuak. Nagore Alkorta alkatearen hitzetan "inoiz baino sozialagoak" izango dira eta inoiz baino garrantzitsuagoa izango da "herritarren beharrei erantzungo dien" aurrekontuak osatzea. 

Urtea ari da bere hondarrera iristen, eta urtea bukatzerako 2021. urteko aurrekontuak osatu eta abenduan onartuko ditu Azpeitiko Udalak. Hala adierazi dute gaur prentsaurrean Nagore Alkorta alkateak eta Leire Goenaga Ogasun batzordeburuak. Aurten, inoiz baino garrantzitsuagoa izango dela herritarren beharrei erantzungo dien aurrekontuak osatzea azpimarratu nahi izan dute.

Aurrekontuak osatzerakoan, herritarren artean kezka nagusi diren ekonomia eta babes soziala izango dira ardatz: "Horiek dira eta izango dira lehentasun. Hau da, 2021. urteko aurrekontuek bi oinarri sendo izango dituzte; okerren pasatzen ari direnei baliabideak eskaintzeko gizarte zerbitzuetako aurrekontua mantendu edo handitu egingo da eta ekonomiaren sustapena bultzatzea. Osasun krisiaren ondorioek, udalak azken urteotan zehaztutako lehentasunak berretsi ditu. Aurrekontuak inoiz baino sozialagoak izango direla aurreikusten dugu; egoerak horrela eskatzen duelako eta herritarren beharrei erantzutea delako lehentasuna. Behin eta berriro diogu, krisi honetatik guztiok elkarrekin irten behar dugu, eta helburu horrekin osatuko ditugu aurrekontuak", adierazi du alkateak.

Urte arraroa izaten ari da 2020. urtea osasun alarmaren ondorio ekonomikoak herritarrez eragiteaz gain, udalari ere eragingo diola azpimarratu dute. Aurten, foru funtsetik jasoko den ekarpena nabarmen jaistea aurreikusten da, eta horrek eragin zuzena izango du 2021. urteko aurrekontuetan. Goenagak azaldu duenez, Udalak sarreren erdia jasotzen du foru funtsetik eta aurreikuspenen arabera %5 gutxiago jasoko da; hau da, 700.000€ gutxiago izango dira aurrekontuetarako..

Sarreren jaitsiera horrek, aurrekontuetan eragin zuzena izango du: "Datorren urtean egiteko hainbat inbertsiotan edota proiektutan eragin dezake. Hala ere, inbertsioei heltzeko konpromisoa dugu; agian, aurreikusitako epeetan ezin izango ditugu egin, baina aurreikusitako inbertsioekin jarraitzea da helburua", gaineratu du Goenagak.

Prozesua, baldintzatuta

Atzo egin zuten Ogasun batzordean aurkeztu zuten aurrekontuen zirriborroa.  Datozen bi asteetan ekarpenak jasotzeko bideak jarriko dituzte. Hala, lanketa batzordez batzorde egingo da udal teknikari eta oposizioarekin. Herriko eragileekin osasun alarma egoera dela eta, beharrezko kasuetan aztertuko da bilerak egitea; sortutako mahaien bidez edo arloko batzordeburuekin harremanetan jarriz izango dute ekarpenak egiteko aukera. Herritarren ekarpenak jasotzeko moduak ere egokitu egin dira; hala, udal webgunearen bidez izango dute beren ekarpenak online egiteko aukera. Guztiak kontuan hartuta, azaroaren bukaerarako azpeitiarren beharrei erantzungo dien 2021. urteko udal aurrekontuak prest izango ditu udalak.


Warning: count(): Parameter must be an array or an object that implements Countable in /home2/azpeitia/public_html/templates/sj_financial/html/com_k2/templates/sj-template/item.php on line 311

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information