Bihar hasiko da Osasun Saila Azpeitian PCR probak egiten, 17 eta 40 urte bitarteko herritarren artean. Azpeitiko Udalak Izarraitz Frontoia egokituko du horretarako. Probak bihartik larunbata bitartean egingo dira; bihar eta etzi 13:00etatik 20:00etara bitartean eta larunbatean Azpeitiko Izarraitz pilotalekuan jarriko da, bihartik, osteguna, urriak 15, larunbatera arte, urriak 17ra arte. Ostegunean eta ostiralean 13:00etatik 20:00ak bitartean ariko dira probak egiten eta larunbatean 09:00etatik 14:00etara bitartean.
Proba egiteko aurrez hitzordua hartu beharko da Azpeitiko Osasun Zentrora deituta (943 02 54 00) edo Osasun-aholkularitzara deituta (900 20 30 50).
Nagore Alkorta alkateak herritarrei proba egiteko deia egin die: "Birusaren hedapena eteteko ezinbestekoa da PCR proba egitea. Horregatik, herritarrak proba egitera animatu nahi ditugu", adierazi du. Proba egitea "norberaren osasuna eta besteena zaintzeko" modua dela azpimarratu nahi izan du.
Proba egin ondorengoa
• PCRaren emaitza jakin arte, komenigarria da gizarte-harremaneko jarduerarik ez egitea, eta maskara erabiltzeari eta segurtasun-distantzia mantentzeari arreta jartzea.
• Egindako probaren emaitzak 72 ordutik beherako epean jasoko dituzu, SMS bidez, positiboa zein negatiboa izan (horretarako, zita ematean, telefono mugikorraren zenbakia utzi behar duzu).
Positiboa bada, telefonoz ere deituko zaizu.
• PCRa egin eta 72 orduko epea igarota emaitzarik jasotzen ez baduzu, zure osasun zentroko telefonora deitu beharko duzu.