wrapper

Oharrak

Albiste Nabarmenduak

Azpeitiko memoria historikoan eta gertukoan jazotako giza eskubide urraketak biltzen dituen ataria
Gaurkoan, oroimenaren baitan, egia, justizia eta erreparazioa bilatzeko konpromiso berretsiz, beste pauso baten berri bat eman dute Azpeitiko Udalak eta Aranzadi Zientzia Elkarteak. Nagore Alkorta Azpeitiko alkateak eta Javi Buces Aranzadiko
Irailaren 15era arte dute kultur taldeek ohiko ekintzetarako dirulaguntza eskaera aurkezteko epea
Herriko kultur taldeen ohiko jarduera edo ekintzetarako dirulaguntza eskaerak egiteko epea irailaren 15ean bukatuko da. Azpeitiko Udalak 47.500 eurotako dirulaguntza poltsa bideratu du herriko kultur jarduerei bultzada emateko asmoz 2020. urtean

parteahartzea90px

etxebitzenzozketa2

Azken urteetako ohiturari jarraituz, Bertan-ek, Azpeitiko Merkatarien Elkarteak, Azpeitiko Udalaren laguntzaz Stock Azoka antolatu du iraila heltzearekin batera. Horrela, ostiral arratsaldez eta larunbatean egun osoz herriko puntu ezberdinetan prezio beheratuetan erosketak egiteko aukera izango da. Osasun larrialdi egoera dela eta, segurtasun neurriak betetzeko neurriak hartuko dira. 


Guztira 37 saltoki izango dira ekintzan parte hartu eta denboraldiz kanpoko produktuak prezio baxuetan eskainiko dituztenak. Stockaren gune nagusia Azoka Plaza izango da, han, 13 postu izango dira: Aitzaki Kirolak, Arku, Bask, Disdira, Gurrutxaga parafarmazia, Jostaldi kirolak, Kids and Us, Larrañaga kirolak, Martina Isasti, Mugi, Nerea eskulanak, Oinkari eta Ubbo.


Horiez gain, beste 24 postu aurkitu ahal izango dira, bakoitza bere saltoki aurrean. Alar Mertzeria, Alzuaran, Arantxa haur denda, Arrospide, Azkue, Babesa moda, Biur, Boers, Bossi, Edurne oinetakoak, Furundarena, Frida, GEU, Ilargi, Inar Optika, Iosu optika, Jostaldi kirolak, Kotoi, Luix Beltza, Mina mertzeria, NKN, Ufito, Zume eta Zuri-Beltz.

Aurtengoa, osasun larrialdi egoerak baldintzaturiko Stock Azoka izango da. Zentzu horretan, Bertan Merkatari Elkarteak osasun neurri zorrotzak ezarriko ditu Stockaren garapenean. Azoka Plazara sartzeko aforoa kontrolatuko da, gehienezko pertsona kopurua mugatuz, eta postuen zein pertsonen arteko segurtasun distantzia bermatuko da une oro, bai Azoka Plazan zein denden kanpoaldetako postuetan. Aldi berean, gel hidroalkoholikoen erabilera beharrezkoa izango da eta ukituak izan diren produktu guztiak desinfektatu egingo dira berriro bezeroei eskuragarri jarri baino lehen. Horrez gain, bezeroen datuak hartuko dira, segurtasunagatik identifikatuta izateaz gain, 100€ko hiru bonoren zozketan parte hartzeko aukera emanez.


Stocka ostiral arratsaldean hasiko da, 16:00tatik 20:30tara egongo da. Larunbatean, berriz, egun guztian izango dira zabalik, 10:00tatik 20:00tara. Ordutegi zabal honen bidez, bezeroen fluxuak denboran zabaldu nahi dira, segurtasuna eta sortu daitezkeen itxarote ilarak murriztuz.


Azokaren ospakizuna baliatuz, Bertan-ek bere maskota emango du ezagutzera, Berti, herriko kaleetan ibiliko delarik ekimenaren beri emanez.

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information