Izarraitz pilotalekuak, beste behin, esku-pilota profesionaleko jaialdia hartuko du. Alberdi eta Egiguren V.a herritarrak, elkarren aurka ikusteko aukera izango dute pilota zaleek beste behin. Alberdi eta Larunbek egiguren V.a eta Ladis Galarza izango dituzte aurrez aurre.
Partida estelarrean, berriz, Ezkurdia eta Arangurenek osatutako bikotea Altuna III eta Imazen aurka arituko dira norgehiagoka.
Jaialdia ikusteko sarrerak dagoeneko salgai daude webgunean. Kantxako eta palkoko sarrerek 25€ balio dute. Sarrerak Izarraitzeko lehiatilan eskuratu nahi dituztenek, egunean bertan 18:00etatik aurrera izango izango dute aukera.
Egoera dela eta, prebentzio neurriak bete beharko dituzte ikusleek eta aforoa ere ohi baino txikiagoa du. Horretaz gain, ikusleek eserita ikusi beharko dituzte pilota partidak, eta ezarritako distantziak mantendu beharko dituzte.