Azpeitiko Udalak aste honetan bi dirulaguntza lerroren inguruko deialdiak jarri ditu abian. Alde batetik, garapen lankidetzari bideratutako 90.000€ko laguntza lerroa jarri da martxan. Linea honen bidez, lankidetza garatuko den komunitateen eta herrialdeen baliabideak hobetzea da helburua -oinarrizko azpiegiturak, ekipo-ondasunak eta era guztietako ondasun materialak- eta, baita, herri horien finantza-ahalmena hobetzeko arlo batzuk garatzea ere; hala nola, oinarrizko ekoizpena, gizarte-zerbitzuak, osasuna, hezkuntza, kudeaketa koopertiboa eta mikroenpresen sorrera. Eskaerak aurkezteko azken eguna uztailaren 14a izango da.
DIrulaguntza hau honakoei bideratuta dago:
1. Irabazi asmorik gabeko Gobernuz Kanpoko Erakundeak, haien jarduerak bat datozenean deialdi honen xedearekin, eta Azpeitian helbidea edo/eta jarduera garatzen dutenak.
2. Azpeitian jaio edo bizi diren pertsonei, beren jarduerak Gobernuz Kanpoko Erakunde (GKE) edo/eta kongregazio baten bidez burutzen dituztenean, jarduera horiek bat datozenean deialdi honen xedearekin.
3. Gutxienez 10 urtean Azpeitian erroldatuta dauden pertsonak, lehenengo aldiz baldin badoaz lan egitera GKE batekin osasun, hezkuntza edota gizarte zerbitzuetako arloren batean, gutxienez 4 hilabete jarraiko epealdian, ERASMUS programatik kanpo. Dirulaguntza horiek garraioa eta mantenua ordaintzeko izango dira. Laguntza horiek behin bakarrik emango dira.
Deialdiaren inguruko informazio osoa
*Dirulaguntza elektronikoki eskatzeko helbidea: https://uzt.gipuzkoa.eus/home.do?De=EU01812648
Gizarte eta gizarte-osasungintzako elkarteen dirulaguntzetara 39.000€ bideratu ditu aurtengoan ere Udalak. Laguntza honen bidez, elkartearen beraren ohiko jarduerari eustea; hitzaldiak; herritarren sektore batzuen aisialdi eta denbora librerako jarduerak; sustapen, sentsibizazio, prestakuntza, informazio jarduerak/edo ekimenak, eta jardueraren zabalkundekoak; elkarte zehatz horren jarduerarekin zerikusia duten material edo baliabide espezifikoak prestatzea; elkartearen jarduerak bere baitan har tzen dituen kolektiboei zuzendutako interbentzio programa zehatzak garatzea eta ohiz kanpoko izaeraz, Azpeitian sustraitutakotzat jotako ekitaldi, ospakizun eta urteurrenak antolatzea laguntzen dira, besteak beste. Linea horretarako eskaerak egiteko azken eguna uztailaren 16a izango da.
Deialdiaren inguruko informazio osoa
* Dirulaguntza elektronikoki eskatzeko helbidea: https://uzt.gipuzkoa.eus/home.do?De=EU01812650