wrapper

Oharrak

Eraso matxisten inguruko sentsibilizazio eta informazio udako kanpaina abian da
Udara begira, eraso matxisten aurkako sentsibizilizazio eta informazio kanpaina jarri du Azpeitiko Udalak, Emakume Txokoa eta Emakume Mahaiarekin elkarlanean. Hala, eskuorri bat osatu dute eta datozen egunotan herriko etxe guztietara banatuko da.
Bi sormen prozesu eta sei proiektuk jaso dute Sormen Beka
Inoiz baino proiektu gehiago aurkeztu dira Azpeitiko Udalaren Sormen Beketara: 22 hain zuzen. Atzo eman zuten beka jasoko duten proiektuen aurkezpena. Guztira 6 sormen prozesu lagunduko dira diruz; bi sormen egonaldi eta beste 6 proiektu. Guztira,
Lan munduan euskararen normalizazioa bultzatzeagatik zoriondu eta eskertu du Biele Udalak
Zilarrezko Bikain ziurtagiria jasoko dutela jakin berritan, Azpeitiko Udalak Biele ingenieritza enpresa eskertu eta zoriondu nahi izan du euskararen normalizazioa lan munduan ere bultzatzeko egiten duten lanagatik. Lan munduan eta industrian ere

AzpeitiaOroimena

hitzordua

Azpeitiko Udalak, Lagun Onak Mendi Bazkunak eta Euskal Herriko Mendi Federazioak eskaintzen dute Joxe Takolo Beka 2001. urtetik, goi mailako mendiko egitasmoak bultzatzeko. Goi-mendia, abentura, zientzia, esplorazioa eta dibulgazioarekin zerikusia duten proiektuak bultzatze 3.000€ko beka da. Uztailaren 13a bitartean aurkez daitezke proiektuak Azpeitiko Udalean; presentzialki eta egoitza elektronikoaren bidez (udal webgunearen bidez).

 

2001etik ematen du Azpeitiko Udalak Joxe Takolo Beka. Mendizaletasuna bultzatzeaz gain Joxe Takolo azpeitiar mendizalearen izena eta izanaren berri helburu dutela. Urte guzti hauetan maila desberdinetako munduan zehar garatzeko hainbat proiektu lagundu dira diruz.

Duela hiru urte, inflexio puntu bat egin ostean, zenbait aldaketarekin, indarberritu egin zen. “Joxe Takoloren izena eta izana goi mendizaletasunari lotuta jarraitzeko bekari eusteko konpromisoa dugu eta mendizaleak beren proiektuak aurkeztera animatu nahi ditugu. Mendizaletasunaren eta gure balioek erabat egiten dute bat, herri izaera zehatz bat sortzen lagundu du eta horretan jarraitzea nahi dugu”, adierazi du Egoitz Arruti kirol batzordeburuak.

 

Bekaren irizpideak

Aurtengo deialdiko proiektuak baloratzeko irizpideak honakoak izango dira

1.  Proiektuaren originaltasuna (%29 gehienez).

2.  Proiektuaren zailtasuna (%29 gehienez).

3.  Parte-hartzaileak (%21 gehienez).

3.1.  Parte-hartzaile euskaldunen kopurua (%7).

3,2.  Parte-hartzaileen parekotasuna (%7).

3.3.  Inklusibotasuna (%7).

4.  Jardueraren eta baliabideen finantzaketa (%21 gehienez).

4.1.  Aurrekontua (%7).

4.2.  Proiektuaren iraupena (%7).

4.3.  Proiektua gauzatuko den lekua (% 7).

Aurkeztutako proposamenak ireki aurretik, goian aipatutako irizpideak objektiboki baloratuko ditu lan horretarako izendatutako batzorde teknikoak.

Proiektuaren aurkezpena

Proeiktua aurkezten dutenek, diruz laguntzea eskatu den proiektu edo jardueraren ardura duen ordezkari edo pertsonak eskari-instantzia ofizialaren atal guztiak bete beharko dituzte, eta horri Nortasun Agiriaren fotokopia erantsi eta proiektuan partaide izango direnen federazioko lizentzia. Lizentzia hori, gutxienez, bekara aurkeztu baino urtebete lehenago ateratakoa izan beharko du.

Egin nahi den proiektuaren oroitidazkia edo memoria, hari dagokion aurrekontuarekin batera ere aurkeztu beharko da, bai paperean baita euskarri informatikoan ere.

Diru-laguntzen eskatzaileek zerga-betebeharrak eta Gizarte Segurantzarekikoak egunean dituztela automatikoki egiaztatuko du deialdi honen organo kudeatzaileak, eta ez da beharrezkoa izango haien baimenik. Hala ere, eskatzaileek uka dezakete egiaztapen hori egiteko baimena, eta, kasu horretan, dagokion ziurtagiria aurkeztu beharko dute.

 

Bekaren deialdia

Joxe Takolo Beka 2020