wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

Udalak eta Bertan-ek martxan jarritako ekimenak erantzun bikaina izan du, eta gaur salgai jarritako 1.500 bonoak goizean bertan agortu dira. Noiz eta nola zehaztu ez den arren, beste hainbeste bono jaulkiko dira epe laburrean.

COVID-19ak sortutako kalteen aurrean bertako merkataritza eta ostalaritza txikia sustatzea eta, aldi berean, herritarrei beren erosketak egiteko pizgarria ematea helburutzat hartuta, ‘Azpeitia Zaindu’ bono kanpaina jarri dute martxan gaur Azpeitiko Udalak eta Bertan Merkatari Elkarteak. Ekimen honen bidez, 35€ ordaindu eta herriko saltokietan gastatzerakoan 50€ko balioa duten bonoak jarri dira salgai.

Antolatzaileen aurreikuspenik hoberenak betez, goizean goizetik herritar ugarik nahi izan du bonoak eskuratu. Horrela, Internet bidez salgai jarritako 750 bonoak 13 minututan agortu dira eta ilara luzeak osatu dira Bertan-en bulegoan, goizean zehar beste 750 bonoak saltzeraino. Horrenbestez, salgai jarri diren goiz berean agortu dira bono guztiak.

Arrakasta ikusirik, Azpeitiko Udalak eta Bertan-ek bono gehiago jaulkitzea adostu dute, beste 1.500 bono, hain zuzen ere. Oraindik ez da zehaztu noiz eta nola eskuratu ahal izango diren bono horiek. Hurrengo egunetan zehaztu eta jakinaraziko da.

Gaurko egunean zehar bonoa erosteko interesa agertu eta erosketa burutu ezin izan dutenen zerrenda bat osatu da eta bono berriak jaulkitzen direnean, lehentasuna izango dute pertsona horiek.