wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

San Martin egoitzan ez dago COVID-19 gaixotasuna duen erabiltzailerik eta langilerik. Pasa den astean egin zizkieten probak bertan bizi diren 82 egoilarrei eta 92 langileri (langile bat falta da proba egiteko, Osakidetzaren akats bat tarteko). Egoilarrei egoitzan bertan egin zizkieten tesak, eta langileek Zumarragako ospitalera joan behar izan zuten.

Tentsio askoko asteak daramatzate San Martin egoitzan, Covid-19a dela eta. Martxoaren erdi aldetik prebentzio neurri zorrotzak dituzte ezarrita egunerokoan. Helburu bakarra dute; erabiltzaile zein langileen osasuna babestea. Covid-19az babestea.

Bide horretan, pasa den astean beste pauso garrantzitsu bat eman zuten. Covid-19aren inguruko bi proba egin zizkieten San Martingo bizilagunei eta langileei. PCR probetan, gaur egun gaixo dauden jakiteko probetan, guztiek negatibo eman zuten, eta oso datu positiboa eta garrantzitsua izan da erresidentzia osatzen dutenentzat. Horrez gain, ordea, test serologikoak, gaixotasuna pasatu duten jakiteko probak, ere egin dizkiete. Kasu horretan, erabiltzaile batek positibo eman du, eta beste guztiek negatibo. Positibo horren kasuan, alarma egoera ezarri aurretik pasatu zuen gaixotasuna azterketen arabera, inongo sintomarik gabe.

Nagore Alkorta alkate eta San Martin Fundazioko lehendakariaren arabera, egoitzako datuak oso “garrantzitsuak” dira, adineko pertsonek dutelako “arrisku gehien” Covid-19 biruasaren aurrean, eta haiek babesteak “erabateko lehentasuna” duelako. “Eskerrak eman nahi dizkiegu San Martin egoitzan lanean ari diren guztiei. Beraien lanak duen balioa agerian gelditu da” nabarmendu du. “Momentu hauetan garrantzitsua da behar gehien duten horien ondoan egotea eta babestea, eta horixe da San Martinen egiten ari direna”.

Emaitza horiek horrenbeste desira zuten “erradiografia” ekarri dute San Martin egoitzara. “Neurri guztiak hartuta eta zorrotz betez ari gara lanean, denon osasuna zaintzeko helburuz, baina etxe barruko errealitatea zein den jakitea beharrezkoa zitzaigun. Emaitzak jakiteak lasaitasuna ekarri digu, baina pozteko emaitzak ditugula jakinda, ardura handiagoz lanean jarraitzea da gure helburua. Bide horretan, langileak egunero erakusten duten inplikazioa eta konpromisoa ere eskertu nahi ditut”, adierazi du Manolo Aizbitarte egoitzako zuzendariak. Egoitzan bizi diren guztien familiei ere jakinarazi dizkiete emaitzak, eta bueltan jasotako esker on eta animo mezuekin oso eskertuta agertu da.