wrapper

Oharrak

Albiste Nabarmenduak

2.000 dei baino gehiago egin dira boluntarioen bidez, eta hainbat herritar ari da udalaren laguntza
Alarma egoera ezarri zenetik, zaurgarrienak izan daitezkeen herritarren egoera ezagutzeko 2.000 dei baino gehiago egin dira, eta 200 pertsona ingururi ari da udala zerbitzuak eskaintzen. Lan hori egiteko, udalaren deiari erantzunez 136
70 urtetik gorako herritarrei deituko zaie beren egoeraren inguruan galdetu eta asistentzia
Azken egunotan, osasun publikoa, eta batez ere, adinekoen eta patologia desberdinak dituzten herritarren osasuna eta egoera pertsonala dira lehentasun eta kezka nagusi Azpeitiko Udalean. Bide horretan, neurri desberdinak hartzen ari da Udala:
600.000€ko urgentziazko udal diru-laguntza norbanako, familia, merkataritza establezimendu txiki
Martxoaren 14ko 463/2020 Errrege Dekreturen bidez, COVID-19ak eragindako osasun krisiaren kudeaketarako ALARMA EGOERA deklaratu da. Alarma egoera horrek zuzenean eragiten dio Hego Euskal Herriari, eta zehazki, Azpeitiko herriari. Hasierako neurrien
arreta zerbitzua
azpeitia turismoa
udal tramiteak1
denonartean

Gaur goizean egin den ez ohiko eta presazko plenoan, udal zergen ordainketa atzeratzea erabaki du Udalak aho batez. “Bizi dugun egoerak herritarrengan sor ditzaken zailtasunen jakitun, eta laguntza eskaintzeko helburuarekin, ordaintzeko epean dauden udal zergen atzeratzea erabaki dugu”, adierazi du Nagore Alkorta alkateak.

Horretarako, 2020 ekitaldiko Zergen Egutegi fiskala aldatzea onartu dute. Hala, apirilaren 1etik maiatzaren 25era bitartean ordaindu beharreko trakzio mekanikoko ibilgailuen gaineko zerga ordaintzeko epea irailaren 15era arte luzatu da. Horrekin batera, estalgarrien eta espazio publikoaren okupazioren inguruko tasen ordainketa ere irailaren 15era arte luzatu dute.

“Egoera zaila da, gogorra, kasu askotan, baina ezinbestekoa da prebentzio neurriak betetzea; etxean geratzea. Norbere osasunaz ari gara, eta guztion osasunaz ari gara. Orain, behin ere baino gehiago, denon artean prebentzio neurriak egoki betetzea lortu behar dugu, eta horretarako baliabideak jartzen eta laguntza eskaintzen ari gara Udaletik”, gaineratu du.

 Astelehenean familiaren zaintzarako, merkatari txikiek, ostalaritza nahiz antzeko establezimenduek alarma egoera dela eta izandako galerak arintzeko abian jarritako 600.000€ko dirulaguntzarako habilitaturiko kreditu aldaketaren berri ere ere eman da plenoan.

Plenoan ere prebentzio neurriak hartuko dira, eta legeak exijitzen duen gutxieneko parte hartzea izan da.

 

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information