Datorren astelehenetik aurrera, otsailaren 17tik aurrera, astelehenetik ostiralera 08:00etatik 22:00ak bitartean irekita izango du Azpeitiak. Sindikatu Zaharreko lehen solairuan 30 bat lagun ingururentzako ikasteko lekua egokitu du Udalak. Hala, hainbat herritarrek eginiko eskaerei erantzun nahi izan die Udalak: "Liburutegira jende asko joan ohi da ikastera, beteta izaten da askotan. Horretaz gain, asteburu osoan irekita izango den leku baten beharra azaldu izan digute Denon Artean prozesuaren bidez. Hori dela eta, proba gisa, Sindikatuko gela bat egokitzea erabaki genuen", azaldu du Goenagak.
Goenagak azaldu bezala, proba izango da ordutegi eta azpiegitura egokiak diren ikusteko: "Herritarren behar batetik abiatutako proiektua da, erabilera ikusi eta joango gara egin beharreko aldaketak egiten".