Lehiaketak bi atal izango ditu, herritarren saria eta epaimahaiarena.
Herritarrren saria Facebook bidez erabakiko da. Bozketan parte hartzeko, Bertan elkarteko Facebook orrian sartu behar da, https://www.facebook.com/AzpeitinBertan/, eta gehien gustaturiko erakusleihoaren argazkian "atsegin dut" eman behar zaio. Horrela, saltoki horren aldeko botoa emateaz gain, 100€ko erosketa-bonoaren zozketan parte hartuko da. Aldi berean, atsegin dut gehien eskuratzen dituen saltokiak 200€ eramango ditu.
Bestalde, epaimahai batek erabakiko ditu jokoan diren beste sariak. Epaimahaiak lehiaketan parte hartzen duten erakusleihoak baloratuko ditu, Gabon jaietarako dekorazio hoberenak sarituz. Erakusleiho onenaren saria eskuratzen duenak 600 euro jasoko ditu, bigarren saria jasotzen duenak, berriz, 400 euro, eta hirugarren saridunak 200 euro.
Abenduaren 27an Sanagustin kulturgunean egingo den sari banaketa ekitaldian emango dira ezagutzera irabazleak.
Atxikitako irudian aurreko urteko saridunak ageri dira.
Aldi berean, sari-banaketa ekitaldira gonbidatu nahi zaituztegu:
Gaia: VIII. Erakusleiho Lehiaketa - Sari banaketa ekitaldia + luntxa
Lekua: Sanagustin Kulturgunea
Eguna: Abenduak 27, ostirala
Ordua: 13:30
* Sari banaketa amaitzean, bertaratu diren guztientzat mokadutxo bat eskainiko da.