Ekoetxean, bi doako tailer egingo dira urrian; lehena, urriaren 20an, elikaduraren ingurukoa egingo da gazte eta helduentzat. Ikastaro edo saio hori 18 urtetik gorako gazte eta helduei zuzendutakoa izango da eta ondo elikatzeko kontuan izan beharrekoak eta asteko elikadura plana egiten ikasteko aukera izango da. Bigarren saioa, hilabetero egin ohi diren familia ekintzen baitako saioa izango da. Sei eta hamabi urte bitarteko haurrentzat txoribox tailerra izango da urriaren 27an. Izen ematea irekita izango da lehen saiorako urriaren 18ra arte eta Txoribox tailerrerako urriaren 25a arte. Izena emateko 943 81 24 48 telefonora deitu daiteke. Bi tailerrak 11:00etatik 12:30era bitartean egingo dira Ekoetxean.