EKAINAK 29, 10:30etik 12:30era: MARGOTUZ ESPERIMENTATU
BI TALDE: 3-4 urte bitarteko umeentzat / 5-7 urte bitarteko umeentzat
Paretetan eta lurrean jarriko dira kartoi handiak, umeek eskuekin eta oinekin askatasun osoz margotu dezaten. Helburua: umeek jolas moduan margoekin eta naturarekin esperimentatzea eta oso ondo pasatzea.
UZTAILAK 6, 10:30etik 12:30era: NATURA MARGOTUZ
Adin/ urte mugarik gabe
Kartoietan margotu Ekoetxea Azpeitia inguruan dauden gauzak. Erreka ingurua, Xaguxatar parkea, Ekoetxea Azpeitia, naturako gauzak, landareak, zuhaitzak…
UZTAILAK 13, 10:30etik 12:30era: PINTURA LEHIAKETA AIRE ZABALEAN
BI TALDE: 20 pertsona gehienez bakoitzean. 8-12 urte / 12-99 urte
Gehienez 40 pertsonek parte hartu ahalko dute. Guztiei material berdina eskainiko zaie: lientzoa, kabailetea, margo akrilikoak, pintzelak…. Lehiaketaren gaia Ekoetxea Azpeitiaren ingurua izango da. Margolanak bi asteburutan zehar egiteko aukera izango dute partaideek.
Talde bakoitzak saria izango du, uztailaren 20an emango dena. Sarietako bat Arte eta Diseinu eskola elkartean hiruhilabeteko ikastaroa eta materiala izango da.
UZTAILAK 20, 10:30etik 12:30era: EKOETXEA MURALA
Adin/ urte mugarik gabe
- Lehiaketan parte hartu zuten partaideek, beraien margolanak bukatzeko aukera izango dute.
- Kartoi gainean egindako mural bat egingo dugu Ekoetxea Azpeitian bertan jartzeko.
- Egindako margolanekin erakusketa bat egingo da han bertan.
- 12:30ean SARI BANAKETA.
ARTOAREN TAILERRA, ABUZTUAN
Abuztuaren 25ean,11:00etatik 12:30era, 6 urtetik 12 urte bitarteko umeei eta beraien familiei zuzendua artoaren tailerra egingo da. Tailer horretan, artoa aletu, ehotu, artaburuaren hostoekin eskulanak egin eta taloa egiteko aukera izango da. Izen-ematea abuztuaren 23a baino lehen egin beharko da, Ekoetxea Azpeitian (lehen Ingurugiro Etxea museoa) Tfnoa: 943 812448. Plaza mugatuak dira.
