Gaur egungo globalizazioak munduaren ikuspegi zabalagoa izateko aukera ematen du. Ikasle askok aprobetxatzen dute unibertsitateko gradua egiterakoan atzerrira joateko Erasmus programarekin. Behin hori eginda aukera gehiago ez dagoela uste izan arren, geroz eta laguntza zein aukera gehiago daude gradu ondorengo ikasketak herritik kanpora egiteko. Ander Beristain azpeitiar gazteak bere esperientzia zabala du gai honetan eta bere jakintza hori zabaldu nahi du herritarren artean; zein baliabide dauden, zein diren jaso ahal diren laguntza ezberdinak, zein baldintza bete behar diren eta abar.
Interesa duen edozein herritarri bultzadatxo bat emateko prest dago, horrelako erabakiak beldurragatik edota informazio ezagatik askotan alde batera uzten dira eta hitzaldi horretan eskura jarriko da behar den informazio nagusia.
IREKI ZAITEZ MUNDURA Atzerrian ikastea, lan esperientzia lortzea,... NAHI BADUZU, AHAL DUZU!
Noiz: Ekainak 26, asteazkena 18:00etan
Non: Basazabal Jauregian
Hizlaria: Ander Beristain (1993, Azpeitia) . Ingeles ikasketak eta Hizkuntzalaritzan graduatua. Hispaniar Hizkuntzalaritza masterduna. Gaur egun gaztelera, euskara eta hizkuntzalaritza irakaslea University of Illinois at Urbana-Champaign-en.