Azpeitiko Udalak etxebizitza beharrari erantzuteko hainbat eskaintza egin ditu azken hilabeteotan. Hala, babes ofizialeko zein etxebizitza tasatuen eskaintza zabala egin du. Horretaz gain, esklabetan Eusko Jaurlaritzarekin sinatutako hitzarmenaren ondorioz egingo diren alokairu sozialeko etxebizitzen egitasmoaren berri ere eman izan du.
Egindako eskaintzaz gain, ordea, Azpeitian beste modu batera bizitzeko dagoen nahi eta behar bati erantzun asmoz, Azpeitia, elkarrekin bizi! egitasmoa garatzeko prozesu parte hartzailea jarri du abian. Prozesu horren helburua da molde berriko etxebizitza batean bizitzeko gogoa dutenen artean, etxearen diseinua egin eta definitzea.
Izan daitezke etxebizitza komunitarioak, kooperatiboak, gazteentzat, helduentzat, familientzat…. Aukerak aztertu eta parte hartzaileen artean adostu, definitu eta diseinatzea da helburua. Bide horretan, HIritik at elkarteak gidatuta egingo da prozesu parte hartzailea.