Beste urte batez jarraian, Azpeitiko Izarraitz Frontoiak hartuko ditu Urrezko Aizkorako finalak. Final nagusian, Mikel Larrañaga azpeitiarrak Iker Vicente eta Julen Alberdi Txikia IV.a izango ditu aurrez aurre. Gazte mailetan, berriz, 19 urtez azpikoen lehian izango dira Hodei Ezpeleta, Xuban Kañamares V eta Aritz Azpiazu Arria VI.a azpeitiarra. 23 urtez azpikoetan, Julen Larrea IIIa, Oier Kañamares IV.a eta Joxean Etxeberria II.a izango dira.
Iaz emakumeen aizkora txapelketako finala jokatu zen, eta aurten trontza txapelketa jokatuko dute, binaka. Karmele Gisasola eta Usue Ansorregik aurrean izango dituzte Garbiñe Lopes de Uralde eta Ruth Lizana alde batetik, eta Itsaso Onsalo eta Leire Astiazaran, bestetik.
Bukatzeko, binakako harrikasotze txapelketako finala jokatuko dute hiru bikotek; nor baino nor izango dira Imanol Albizu Goikoetxea eta Xabier Aranburu Guzta, Jon Gisasola Zelai V.a eta Jokin Eizmendi eta Iñigo Eizagirre Eiza eta Aimar Galarraga.
Bost sarrera bikoitz zokatuko ditu Udalak
Finalerako bost sarrera bikoitz zozkatuko ditu Azpeitiko Udalak. Zozketetan parte hartu nahi dutenek, gaurtik ostiralera bitartean (12:00ak arte) eman beharko dute izena udaletxera deituta (943 15 70 68) edota Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera idatzita. Izen abizenez gain, harremanetarako telefono bat utzi beharko dute parte hartzaileek.
Sarituei, ostiral eguerdian bertan abisatuko zaie.
Sarrerak, egunean bertan izango dira erosgai, 20:30etatik aurrera frontoiko lehiatilan.
