Bederatzi hilabete inguru dira hondakinen bilketa sistema aldatu zenetik Azpeitian. Udalak "herritarrak txalotu eta zoriondu" ditu izandako jarrera eta lortutako emaitzengatik. Ezarpen faseari bukaera emateko, eta hondakinak "hobeto eta gehiago gaika biltzeko" kanpaina berri bat jarri du abian: 'Ondo goaz... hobetu dezagun'. Hala, herritarrekin hartu emanerako gune ibiltari bat ibiliko da datozen asteotan. Asteartea goizean plazan izan zen, eta gaur arratsaldean SAnjuandegin izango da.
Bertan, herritarren iritzi, galdera, zalantza edo ekarpenak jasotzeaz gain, herritarrek loretxo bat eta konposta poltsa bat jasotzeko aukera ere izango dute.
