wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

Urriaren 11n beteko da urtebete Xiriako Gurrutxaga zesta-puntista nuarbetarra hil zela. Urte hurren horren baitan, bere lagun eta auzokideek bere omenezko keinu bat egin nahi dute. Hala, Nuarbeko auzotar eta Xiriakoren lagunek, Udalaren laguntzaz bere omenezko eskultura jarriko dute igandean Nuarbeko frontoian.

2012. urtean frontoia inauguratu zenean, Gurrutxagak berak atera zuen ohorezko sakea, eta orain, leku horretan bertan jarriko da bere omenezko oroigarria.

Eskultura bere lagun min batek egin du, Jose Mari Etxeberriak.

Eskulturaren inaugurazioa osatzeko, beste hainbat ekintza ere antolatu dituzte.

Honakoa izango da egitaraua:

  • 11:00etan meza
  • Ondoren, eskulturaren inaugurazioa
  • Pilota partiduak, Ilunpe Pilota Elkartearekin elkarlanean

Sarasua-Egiguren

Ziarsolo-Azkue

  • Mokadua

XIRIAKO GURRUTXAGA

Xiriako Gurrutxaga Nuarbek urte luzez jokatu zuen zesta puntan profesionaletan. Herrialde Katalanetan (Bartzelonan eta Palman) eta Espainian (Zaragozan) aurrena, eta AEBetan ondoren. Txutxo Larrañaga, Tximela, Txurruka eta Txikito de Bolibar puntista ezagunekin batera aritu zen, besteak beste, zesta-puntaren urrezko aroan.


Pilotari ibilbidea bukatu eta etxera itzuli ondoren, urte askotan izan zen, Olatz Odriozola emaztearekin batera, Sanjuandegiko Baigerako tabernaren eta jatetxearen arduradun. Iazko urriaren 11n zendu zen 70 urte zituela.