wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

Azken urteotan babes eta justizia helburu soziala helburu, Azpeitiko Udalak diru-laguntza propio batzuk jarri ditu abian. Udalak zuzenean kudeatzen eta ematen ditu laguntza horiek eta Leire Goenaga Hezkuntza zinegotziak azaldu duenez, Azpeitia da "horrelako laguntzak ematen dituen herri bakarrenetakoa"

Formaziorako diru laguntzak dira zehazki, eta 50.000 euroko partida bideratuko da aurten ere, horretarako. Laguntza horien baitan,  3-18 urte arteko haur eta gaztetxoen hezkuntza ez arautuko hainbat ekintzetarako laguntzak eta 25 urte baino gehiagoko langabetu edo %50eko lanaldia dutenen formakuntzarako laguntzak. 

Bi laguntzen eskariak egonkortzen ari dira, eta urtez urte gero eta eskari gehiago egiten dira, batez ere, 3-18 urte artekoentzako laguntzen kasuan: "Diru laguntza hauek uste dugu oso garrantzitsuak direla. Herritarrak laguntzeko beste tresna bat gehiago direlako. Familia askorentzat esfortzu handia dira eskolaz kanpoko edo formakuntzarako gastuak, eta guk horiei lagundu nahi diegu", azaldu du Estitxu Elduaien Gizarte Zerbitzuetako zinegotziak. 

3-18 urte arteko haur eta gaztetxoen diruz lagun daitezkeen formazio ekintzak


— Arte-Musika-Dantza arloari dagozkion formazio ekintzak.
— Gaztedia saileko formazioekintzak.
— Kirol arloari dagozkion formazio ekintzak. Kiroldegiko instalazioetako bazkide-kuota.
— Hezkuntza arautuko arlotik kanpo garatutako beste zenbait motatako jarduerak, eta Udalak aurretik aztertuta, gizartearentzat komunitate- eta gizarte-ikuspegitik begiraturik garrantzitsuak jotzen direnak.

Ematen diren laguntzen artean, gero eta gehiago eskatzen dena klase partikularrena dela azpimarratu du Elduaienek: "Gero eta jende gehiagok eskatzen du horrelako klaseetarako laguntza, eskaera indartzen ari da eta Udalak ulertzen du hori lagunduta integraziorako laguntza eskaintzen duela hainbatetan". 

Diru sarreran arabera, ekintzen %90era arteko laguntza lortu daiteke.

Oinarriak

25 urtetik gorako langabetu edo %50eko jardunaldian daudenentzat

Beka sistema honen helburua da pertsona horientzako formazioa eskaintzea, eta horrela, lan-mundura sartzea erraztea edota lan baldintzak hobetzeko aukerak sortzea. 
Horretarako, udal-bekak emango dira hirgarren urtez jarraian.

Diruz lagun daitezkeen formazio ekintzak:

  • Profesionaltasun egiaztagiria lortzeko edozein mailatako formazio ekintzak.
  • Lanbide heziketako zikloak egiteko formazio ekintzak.
  • Beste formazio ekin tza mota batzuk, betiere Udalak aztertu ondoren, ikusten baldin bada gizartearentzat esangura

Matrikula (590 euroa arte),  joan-etorriak  eta ikas materialaren erosketa gastuak laguntzen ditu Udalak. 

Laguntzak urte guztian eskatu daitezke udaletxean.

Oinarriak

Iazko bekak datutan

3-18 urte bitarteko bekak 103 familiak jaso zuten, 2016an 50 izan ziren, beraz, gero eta familia gehiagorengana iristen dira Udalaren laguntzak: "Seigarren urtea da jada diru-laguntza hau ematen dugula, eta pixkanaka-pixkanaka eremuak zabalduz eta joan gara, helburua delako behar gehien dutenengana iristea. 103 familiara iristea oso garrantzitsua da, etxe horietako ume eta gaztetxoei laguntzen diezula ikusn duzulako, eta horretan segitzea da asmoa", nabarmendu du Elduienek.


25 urtetik gorakoen formaziorako laguntza, berriz, mantentzen ari da, 2017an 15 lagunek eskatu dute eta 2016an 18 ikasleri lagundu zitzaien: "Langabeziari aurre egiteko edo lanpostuen kalitatea hobetzeko formazioa oso garrantzitsua da eta horregatik herritarrak animatu nahi ditugu, ikasteko dirua behintzat ez dadila muga izan. 3. urtea da jada deialdi hau egiten duguna, eta pixkanaka-pixkanaka emaitzak hobetzen joatea da gure nahia", gaineratu du.