wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

Arreta soziosanitarioa etxean edo gizarte-erakundetan emateko lanbide-kualifikazioa, homologazioa, lortzeko prozedura ireki zuen Eusko jaurlaritzak irailaren 9an. Prozesu horretan, lan-esperientziaren bidez edo prestakuntzako bide ez-formalen bidez eskuratutako lanbide-gaitasunak ebaluatzeko eta egiaztatzeko prozedura abian jartzen da homologazioa eskuratzeko. Prozesuan parte hartzeko interesa dutenek irailaren 24rako egin behar dute aurre-inskripzioa Izarraitz Lanbide Heziketa zentroan; hala ere, horretarako informazioa eta laguntza eskainiko ditu Azpeitiko Udalak, 943 54 79 83 telefonora deituta (10:00etatik 14:00etara eta 16:00etatik 19:00etara). 

Abian jarritako prozesu horretan, arreta soziosanitarioan izandako lan-esperientziaren bidez edo prestakuntzako bide ez-formalen bidez eskuratutako lanbide-gaitasunak ebaluatzeko eta egiaztatzeko prozedura abian jartzen da homologazioa eskuratzeko. Homologazioa eskuratzeko hiru faseko prozesua izango da. Gaur egun aurre-inskripziorako epea dago zabalik, eta interesdunek hainbat dokumentazio aurkeztu behar dute horretarako.

Prozedura honetan parte hartu nahi duten pertsonek zenbait baldintza ere bete behar dituzte, besteak beste:

1- Espainiar nazionalitatea izatea, Europako Erkidegoko herritartasunaren erregistro-ziurtagiria edo Europar Batasuneko herritarraren senitartekoaren txartela lortu izana, edo Espainian bizilekua izateko baimena edo bizilekua izateko eta lan egiteko baimena indarrean izatea, atzerritartasunari eta immigrazioari buruzko Espainiako araudian ezarritako terminoetan.

2- 20 urte beteak izatea, eskabidea egin aurretik.

 3- Egiaztatu nahi diren konpetentzia-unitateekin lotutako lan-esperientzia edo prestakuntza ez-formala justifikatzea (deialdiaren aurreko 10 urtekoak):


• Lan-esperientzia: gutxienez 3 urte justifikatu behar dira, eta, guztira, lan egindako 2.000 ordu gutxienez.
(Gizarte Segurantzako Diruzaintza Nagusiaren ziurtagiria eta lan-eskarmentua hartu duen enpresaren edo enpresen ziurtagiriaren bidez justifikatu beharko da) .
• Prestakuntza ez-formala: 300 ordukoa gutxienez.
(Jaso dela ziurtatzen duten tituluen edo dokumentuen bidez justifikatu beharko da).

Aurre-inskripzioa Izarraitz Lanbide Heziketa Zentroan, Azkoitian, (943 85 21 74) egin behar da irailaren 24a bitartean; hala ere, Azpeitiko Udalak horren inguruko informazioa eta tramiteetarako laguntza eskainiko du Basazabal Formazio Zentroan 10:00etatik 14:00etara eta 16:00etatik 19:00etara. Horretarako, 943 54 79 83 telefonora deitu eta hitzordua hartu dezakete.