wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

Egoerak hala behartuta, hainbat neurri hartu behar izan dira aurten Stock Azoka antolatzerakoan, besteak beste, Azoka Plazan gehienezko bezero kopurua mugatzea eta postuen zein pertsonen arteko segurtasun distantzia ziurtatzea. Behin Azoka igarota, balorazio positiboa Azpeitiko Udalak eta Bertan-ek, Azpeitiko Merkatarien Elkarteak.


Beste hainbat ekitaldi bezala, Stock Azoka ere ezberdina izan da aurtengoan. Covid-19aren mehatxuaren aurrean, hainbat aldaketa egin behar izan dira, herritarren eta dendarien osasuna bermatzeko helburuarekin.


Egoera berri honetan, saltokiek izan duten inplikazioa oso modu positiboan baloratu da. Merkatari askok euren denden aurrean ezarri dute postua, Azoka Plazako Merkatuan postu gutxiago ezarriz eta beraz, espazio eta distantzia handiagoak sortuz Azokaren banaketan.


Arriskuak ekiditeko neurri gehigarri moduan, jende metaketak sor zitzaketen dinamizazio ekintzak ez egitea erabaki zen da. Horren ordez, pizgarri moduan, hiru erosketa bonoren zozketa gauzatu da Azokara gerturatu diren bezeroen artean. Gaur ezagutu dira hiru saridunak: Azoka Plazako postu batean erosketa egiteagatik Maje Rezola, Zume arropa dendan erosketa egiteagatik Ainhoa eta Jostaldi kirolak dendan erosketa egiteagatik Maite Araujo.


Salerosketei dagokienez, balorazio positiboa burutu dute, oro har, dendariek. Azken urteetan bezala, ostiral arratsaldea eta larunbat goiza, bereziki, izan ziren erosketa une garrantzitsuenak. Edonola ere, jendearen joan-etorria kontrolatua baina etengabea izan zen Stockak zirauen bitartean eta eguraldia lagun, orokorrean jendea hurbildu dela azpimarratu daiteke, beti ere segurtasun neurriak errespetatuz.


Guztiaren gainetik, aipatzekoa eta eskertzekoa da, herritarrek agertu duten jarrera. Momentu oro, segurtasun neurriak ulertu eta errespetatu dituzte, Azokaren garapena erraztuz. Horregatik, Bertan Merkatari Elkarteak eta Udalak eskerrak eman nahi dizkie Stock Azokara hurbildu diren guztiei.