wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

Urtarrilaren 20an, San Sebastian egunez, Azpeitian egiten den haurren danborrada dela eta, Azpeitiko Udalak datorren urterako karrozaren diseinua egiteko proiektuen lehiaketa antolatu du. Karrozan herriko ikastetxeetako haurrak joan ohi dira. Azaroaren 30a bitartean aurkeztu beharko dira diseinu proposamenak, udaletxean.

Urtero gisa, Azpeitiko Udalak Sansebastian Egunean, haurren danborradaren atzetik aterako den karrozaren diseinu proposamenak aurkezteko epea ireki du. Aurten, baserriari lotutako proposamenak egin baharko dira: Baserriko bizimodua, belaunaldiak lotu dituen uzta. 

Karrozaren proiektu-lehiaketaren oinarriak ondorengoak dira:

1.- Nahi duten pertsona nahiz talde guztiek har dezakete parte. Pertsona edo talde bakoitzak proiektu bakarra aurkez dezake.
2.- Lanak edozein teknika edo material erabiliz egin daitezke.
3.- Proiektuek, nahi eta nahi ez, sortu berriak izan beharko dute, hau da, norberak sortutakoak, eta lanaren egileak izango du erantzunkizun osoa baldintza hau ez betetzearen ondorioz gerta daitekeen edozein erreklamazioren aurrean.
4.- Karrozaren neurriak ondorengo hauek dira: 2,80 m-ko zabalera x 3,85m-ko luzera eta 3,20 m-ko altuera.
5.- Lanak sinatu gabe aurkeztu beharko dira, eta aparteko sobre batean egilearen datuak zehaztuko dira: NAN, zuzenbidea, telefonoa eta kurrikuluma.
6.- Aurreproiektuak aurkezteko epea azaroaren 30an amaitzen da. Epaimahaiak erabakia emango duen eguna modu egokian jakinaraziko da.
7.- Proiektuak, ondorengo helbidera bidali beharko dira:

Azpeitiko Udala
Festa Batzordea
Enparantza Nagusia, 5
20730 AZPEITIA
Tel: 943-157068

8.- Epaimahaia Azpeitiko Udalak izendatuko du, eta bost pertsonak osaturikoa izango da. Ordezkaritza Udaleko ordezkariek eta dekoradore eskolakoek osatuko dute.
9.- Aurkeztutako proiektuen artean bakar bat aukeratuko da, eta proiektua gauzatzeko esleituko da.
10.- Planoak, bozetoak, 7.800,00 € baino gehiagokoa ez den aurrekontu zehaztua, eta gehienez A-4ko bi orrialde hartzen dituen memoria txiki bat aurkeztu beharko dira.
11.- Lehiaketaren irabazleak 1.500,00 €-ko saria jasoko du.
12.- Lehiaketa hutsik gera daiteke, epaimahaiaren iritziz aurkeztutako proiektuek ez badute behar adinako kalitate edo baliorik.
13.- Oinarri hauek eta bertako baldintzak betetzen ez dituzten proiektuak ez dira onartuko.
14.- Deialdi honetan parte hartzeak, oinarri hauek onartzea esan nahi du.
15.- Epaimahaiak hartuko ditu oinarri hauetan agertzen ez diren arazo guztien gaineko erabakiak, eta erabaki horiek apelaezinak izango dira. Epaimahaiak karrozaren exekuzio garaian jarraipen lanak egingo ditu. Lanak epaimahaiaren oniritzia eduki beharko du kopuru osoa jasotzeko.

Oharra: Azpeitiko Udalak, Festa Batzordearen bidez, 2020ko San Sebastian jaietako karrozarako honako gai hau proposatu du:

Izenburua:

Baserriko bizimodua, belaunaldiak lotu dituen uzta