wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

AzpeitiaOroimena

Atzoko otsaileko plenoan Gipuzkoako suhiltzaileen eskaerak izan ziren hizketagai, mozio eta kontramozio baten bidez. Azpeitiko suhiltzaileen parkeko hiru kide ere izan ziren bertan, beraien egoera eta eskaeren berri emateko. Gipuzkoako Batzar Nagusiek onartutako plan estrategikoa betetzea eta parkeetako txandetako langile kopurua handitzea eskatzen dute suhiltzaileek, hain zuzen. Mozioak lantzen hasi aurretik, Eneko Etxeberria Azpeitiko alkateak, udal osoaren izenean eskerrak eman nahi izan zizkien, egunero egiten duten lanagatik. 

Mozioa eta kontramozioa aurkeztu ziren, eta biak onartu ziren. EHBilduk aurkeztutako mozioan, EHbilduko ordezkariek mozioaren alde bozkatu zuten, eta EAJ abstenitu egin zen. EAJtak aurkeztutako kontramozioan alderantzizkoa gertatu zen: EAJk alde bozkatu zuen eta EHbildu abstenitu egin zen. 

 

MOZIOA

 

Gipuzkoako Foru Aldundiko suhiltzaile zerbitzuan 204 funtzionario daude suhiltzaile eta kaboen artean. Plantilla horrekin osatzen dira egungo 8 parke-etxetako eguneroko txandak: Eibar, Ordizia, Legazpi, Oñati, Tolosa, Zarautz eta Azpeitian 4 suhiltzaileetako txandak osatzen dira eta Irungo parke etxean 6koa.
Txanda horiek, Aldundiko zerbitzuko barne arauaren arabera gutxieneko txandak dira, hortik behera ezinda joan gutxieneko seguritatea eta zerbitzuaren kalitatea bermatzekotan. Beraz, gutxieneko horretatik behera joz gero, baja horiek derrigorrez ordezkatu behar dira.

Ekainaren 13an Gipuzkoako Batzar Nagusietan Gipuzkoa 20_30 Plana onartu zen eta horrekin batera 19 mozio onartu ziren, horien artean planaren garapenerako urteko ekintza planak egitea eskatzen zuena eta suhiltzaileen lan baldintzak hobetzeko, lanpostu berriak sortzekoa, guardia guztiak 4 suhiltzailetik 6ra pasatzeko. Batzar Nagusietako ebazpen hori betetzeko 84 suhiltzaile plaza berri sortu behar dira eta horretarako konpromisoa, plana, kronograma eta baliabideak beharrezkoak dira.

Hitzetatik ekintzetara pasatzeko aldiz, ez da urratsik egin, eta egoera okertzen joan da. 2019ko aurrekontu proiektuan ez dago ezer jasota eta Gipuzkoa 20_30 Plana garatzen joateko datorren urteko planik oraindik ez dago.

Gipuzkoan arlo honetan arazo larria dago, ordezkatzeko lan poltsa hutsik baitago, hau da, ordezkatze zerrenda agortuta dago. Egoera honetan, txandak gutxienekoetatik behera ez joateko, bajak aritu dira estaltzen, suhiltzaileek bat bateko bajak estali ahal izateko duten 24 orduko poltsekin. Aldez aurretik programatutako bajak ere, bat bateko bajak estaltzeko orduekin ari dira estaltzen eta une honetan suhiltzaile gehienek 24 orduko poltsa hori agortuta dute.

Testuinguru horretan, azken asteetan txandak osatu gabe gelditu dira hainbat parke etxeetan eta Aldundiak Legazpiko parke etxea 24 orduz itxi behar izan zuen orain hilabete eskas, suhiltzaile nahikorik ez zegoelako.

Hori dela eta, azkeneko urte honetan langileen egoeraren bilakaera kontuan hartuta, hau da, suhiltzaile nahikorik ez dagoela gutxieneko zerbitzuak bermatzeko eta bajak ordezkatzeko lan poltsa agorturik dagoela, neurri urgenteak ezinbestekoak direla uste du EH Bilduk eta ildo honetatik honako mozioa aurkezten dugu.

MOZIOA

1. Bat egiten dugu suhiltzaileen zerbitzua hobetzeko egin den Gipuzkoa 20_30 planarekin.
2. Gipuzkoako Foru Aldundiari eskatzen diogu gure herrian suhiltzaileen kalitatezko zerbitzua izateko aurreikusitako neurri guztiak hartzeko. Alegia, 2019 honetan 48 suhiltzaile lanpostu berri sortzeko, parke etxe guztietan gutxienez 6 suhiltzaileen txandak bermatzeko.
3. Hori bermatzeko Lan Eskaintza publikoa ahalik eta azkarren egiteko.

 

KONTRAMOZIOA

 

Gipuzkoako Foru Aldundiak suhiltzaileen zerbitzua modernizatzeko eta egonkortzeko "Gipuzkoa 20-30" bide orria finkatu du txosten batean.

Gipuzkoa eta osatzen duten herriak asko aldatu dira azken hamarkadetan, eta suhiltzaileen zerbitzuak ere izan du bere garapena. Errepideak, suteak, bizi leku aldaketak, enpresen egoerak eta abar. Aldagai horiek guztiak kontuan izanda, 80ko hamarkadatik indarrean zegoen zerbitzua berpentsatzea eta birmoldatzea derrigorrezko kontua zen.

Lanketa hori guztia gauzatzeko ezinbestekoak izan dira datu estatistikoak, zerbitzuaren beraren bilakaera eta, batez ere, suhiltzaileen parte hartzea.

Zerbitzu horrek duen garrantziaz jabetuta, beharrezkoa zen agente guztien parte hartzea diseinu eta garatu beharreko ekintzetan. Hori hala izanda, denen ideiak eta gogoetak izan dira kontuan, eta orain dela gutxi Gipuzkoako Batzar Nagusietan babestutako dokumentuak jasotzen ditu horiek guztiak.

Gipuzkoa 20-30 egitasmoak lurralde osoan suhiltzaileen zerbitzua hobetu eta eraginkorrago egingo du, ekintza eta ekimen guztiak finkatuta baitaude. Giza baliabide gehiago, eraikuntza egokiagoak eta inbertsio handiagoak ekarriko dizkio lurralde osoari, bizilekua edozein dela ere.

 

1.- Azpeitiko osoko bilkurak bat egiten du suhiltzaileen zerbitzua hobetzeko burutu den Gipuzkoa 20-30 dokumentuarekin.

2.- Azpeitiko osoko bilkurak Gipuzkoako Foru Aldundiari eskatzen dio suhiltzaileen zerbitzuak udalerrian kalitatezkoa izaten jarraitu dezala eta aurreikusita dauden hobekuntza guztiak burutu ditzala.

3.- Azpeitiko osoko bilkurak Gipuzkoako Foru Aldundiari eskatzen dio, dokumentuan aurreikusita dagoen bezala, giza baliabide gehiago jartzeko eta, horretarako, zerbitzuan adierazi diren Lan Eskaintza Publiko berriak garatzen jarraitzeko.

4.- Azpeitiko osoko bilkurak, zerbitzu honek duen garrantziaz jabetuta, egon daitezkeen eztabaida eta ideia trukaketak modu egokian bideratzea eskatzen die agente guztiei, demagogia eta gehiegikeriak alde batera utzita.