wrapper

Apirilaren 18an amaituko da 2024ko sorkuntza beketara proiektuak aurkezteko epea
Azpeitiko Udalak 2017an onartu zituen aurrenekoz kultur sorkuntza bekak, eta urtez urte egitasmoa sendotzen joan da. Aurten ere 20.000 euro jarriko ditu artistek beren proiektuak sor ditzaten. Bi modalitate egongo dira: 12.000 euro bideratuko ditu
Zaparraie taldea, Azpeitiko Euskara Mahaiko kide berria
Norabide berean eta elkarlanean arituz, bakoitzak bere eginkizuna eta estiloa izango ditu: euskararen normalizazioa mahaiak, herritarren kontzientziazioa Zaparraiek. Azpeitiko Euskara Mahaiak 2024. urteko lehenengo bilera egin zuen atzo
Dagoeneko eman daiteke izena Elizkaleko adinekoentzako etxe tutelatuetan
Adinekoentzako etxe tutelatuak aurkeztu ditu Azpeitiko Udalak. Hamabi etxe dira, eta modu independentean baina, aldi berean, behar duten laguntza guztiarekin bizitzeko aukera emango diete adinekoi. Izena emateko edo informazio gehiago jasotzeko,

OficinaVivienda

AzpeitiaOroimena

Irailaren 7an eta 21ean, bi saiotan, jokatuko da aurtengo Euskal Pentlatoia. Hamabi partehartzailek eman dute izena lehian; lehen saioa, sailkapen saioa izango da, eta hamabi kilolariak arituko dira norgehiagokan. Denborarik onena egiten duten seirak izango dira irailaren 21eko finalean. Egoitz Arruti Kiroletako Batzordeburuak 32 urtez egin gabe egon den Euskal Pentatloia iaz Azpeitian jokatzea eta aurten errepikatzea "ohorea" dela azpimarratu zuen aurkezpenean: "Azpeitia erreferente izan da herri kirolean, eta bidea urratzen jarraitu nahi dugu". "Ikuskizuna ziurtatuta" dagoela eta herritarrak zein bisitariak proba ikustera joatera animatu ditu. 

Hamabi izango dira parte hatzaileak: Joxean Olaskoaga, Iñaki Errazkin, Xabier Zaldua (iazko irabazlea), Luis Txapartegi, Aratz Mugerza, Xabier Orbegozo, Osmane Drame, Jon Gisasola, Beñat Amade, Kepa Peñagarikano eta Jaboga eta Joseba Otaegi. Parte hartzaile kopurua dela eta, sailkapen fasea egingo da irailaren 7anm 18:00etan hasita Azpeitiko zezen-plazan. 12 kirolariak arituko dira, eta denbora onena egiten duten seirak pasatuko dira irailaren 21ean, 22:00etatik aurrera leku berean jokatuko den finalera. 

Kanporaketa fasean, honako lana egin beharko du kirolari pakoitzak:  100 kiloko harriari 10 jasoaldi; giza proban; 400 kiloko harriarekin plaza bat; aizkoran bi egur ebaki beharko dituzte, kana erdiko bat eta 45 ontzakoa bestea; 50 kiloko bi txingarekin 3 plaza; eta lasterka kilometro eta erdi. 

Finalean, eginbeharreko lana gogorragoa izango da oraindik: 100 kiloko harriarekin 25 jasoaldi; 400 kiloko harriarekin bi plaza; aizkoran, kanaerdiko hiru enbor; 50 kiloko bi txingarekin 6 plaza eta lasterka hiru kilometro egingo dituzte, 

 

Sarrerak, lehiatilan salgai

Sarrerak egunean bertan, saioak baino ordu eta erdi lehenago jarriko dira salgai zezen plazako lehiatilan. Beraz, aurrez erosterik ez da izango. Kanporaketako sarrera 15€koa izango da; eta finalekoa 20€ izango da.