Zuhaitzak, altxor
"Ez geunden gustura zuhaitzen inguruko kudeaketarekin, eta berdeguneen altxor nagusia zuhaitzak izanik, gai horri lehenbailehen heldu nahi izan diogu", azaldu du Josu Labaka zinegotziak.
Gainera, bada gune bat bereziki landu beharrekoa: "Gure lehentasunetako bat Loiolako hiribideko zuhaitzak izan dira. Mahaiaren lehen lanetako bat gune horretako ezkien egoera ikusi eta azterketa egitea izan da, badakigulako ez daudela egoerarik onenean. Eremu horretako zuhaitzen balioaz jakitun, aditu batekin elkarlanean zuhaitz horien inguruko neurriak hartzeko", adierazi du. Hala, datozen egunotan Loiolako pasealekuko hainbat zuhaitz kenduko dituzte, egoera oso txarrean daudelako, eta herritarren segurtasuna bermatzeko: "Orain gutxi bi zuhaitz erori dira, eta beste zenbait zuhaitzen egoera ere txarra dela ikusia genuen ordurako, eta lehenbailehen kentzea erabaki dugu", adierazi du Labakak.