SOS Deiakekin batera eta programatutako telefonoekin lotura zuzena duen tresna da. Adineko pertsonari berehalako laguntza emango dio larrialdi egoeretan, bere segurtasuna eta autonomia handituz. Telealarma zerbitzuaren bitartez segurtasuna eskaini nahi zaie bakarrik bizi diren edo denbora luzean bakarrik egoten diren eta, adina dela edo beren buruaz baliatzeko zailtasuna dela medio, arriskuan dauden pertsonei. Zerbitzu horren bitartez eta telealarmako aparatuari esker, erabiltzaileak Eusko Jaurlaritzako SOS Deiakekin zuzenean komunikaturik daude eguneko 24 orduetan, eta larrialdietako zerbitzu horrek atenditzen ditu sortzen zaizkien premiazko egoeretan. Programaren onuradun izateko baldintzak:• Gipuzkoako Lurralde Historikoan bizitzea.• Gaixotasun, elbarritasun, bakardade edo bestelakoek eragindako arriskuan egotea.• Telealarmako aparailua erabiltzeko gai izatea.• Eskatutako agiriak aurkeztea eta ezarritako baldintzak onartzea.• Telefono linea izatea. Aurkeztu beharreko agiriak:• Eskaera orria.• NANen fotokopia.• Errenta aitorpena edo diru sarreren egiaztagiria.• Osasun-egoera arriskutsuari buruzko mediku-txostena.• Beste hainbat, behar izanez gero. Eskaera Gizarte zerbitzuen sailean, udaletxeko bigarren solairuan.

Babeserako agindua eskatzea Emakumearen babeserako agindu judiziala eskatuko da, hala eskatuz gero. Agindu horren bidez, emakumea babesteko neurri zibil eta penalak hartuko dira. Eskaria modu azkar eta errazean egiten da. Indarkeria jasaten duten emakume orok eskatu ahal izango agindu judizial hori, eta salaketaren balio bera izango du dokumentuak: Babeserako gaindu judiziala honako tokietan eskatu daiteke: Azpeitiko Gizarte zerbitzuen sailean (udaletxeko bigarren solairua), Udaltzaingoan, Hertzaintzaren komisarian, edo epaitegian. Aholkularitza juridikoa Tratu txarrak edo indarkeria jaso duen pertsonari aholkularitza judiziala eskainiko dio zerbitzu honek. Udaleko Gizarte zerbitzuetan eskatu daiteke, eta Hertzaintza edo gainerako polizien bulegoetan ere, salaketa jartzerako orduan. Aldi baterako ostatua Indarkeriaren biktima izan diren pertsonak noraezean gelditzen diren kasuetan, aldi baterako ostatua eskaintzen die Udalak. Etxebizitza horiek errentan emango dira, eta gehienez lau hilabeterako. Etxebizitza emateko baldintzak: Familia gatazka larria izatea. Gizarte zerbitzuek hala eskatzea. Aldi baterako ostatua lortzeko eskaria Azpeitiko Udaleko Gizarte zerbitzuen sailean egingo da, udaletxeko bigarren solairuan. Laguntza psikologikoa Indarkeria eta tratu txarrak jasan dituzten emakumeei laguntza psikologikoa eskainiko zaie. Zerbitzu hau Azpeitiko Udaleko Gizarte zerbitzuen sailean eskatu behar da, udaletxeko bigarren solairuan. 24 orduko telefono bidezko arreta 900 840 111 telefono zenbakia indarkeriaren biktima nahiz euren senitartekoentzat zabalik dago, eguneko 24 ordutan. Entzun, informatu, eta aholkuak…

Ibaigain jubilatu etxea Urrestillan dagoen zentroa irekia da, bertan jarduera sozialak, aisialdikoak eta kulturalak egiteko aukera eskaintzen da

Eguneko zentroa Adineko pertsonentzako eguneko arreta eskaintzen du bertako lokaletan, udalak adierazitako egun eta orduetan.