Gaztetxo eta nerabeak dira herri honen etorkizuna; horregatik Azpeitiko Udalaren Gazteria Sailak horien beharrei erantzuteko proiektuak ditu abian. Ludoteka, Gazteleku, Udaleku, Gazte informazio bulegoa…eta beste hainbat proiekturen bidez, herriko gazte, nerabe eta haurren aisialdirako eskaintza zabala egiteaz gain, bestelako behar eta ez jakintasunei erantzuteko informazioa eta baliabideak eskaintzea da helburua.

Hezkuntza ez arautuaren bidez, baloreetan heztea, elkarlanera bultzatzea eta, zergatik ez, guzti hori giro onean eta jolasean egitea, ahal den guztietan.

Herriko gaztetxoenekin lanketak egiteaz gain, ordea, gure gizarteko fenomeno berrien abiada ikusi eta abantaila eta arriskuen jakitun, azken aldian ikastetxeekin eta gurasoekin lanketak egiteko bideak ere aztertzen eta lantzen ari gara; elkarlan horretatik arazo eta erronka berriei hobeto erantzungo diegula sinesten baitugu.