EUROPAKO FUNTSAK

NEXT GENERATION EU BERRESKURAPENERAKO FUNTSEN DIRULAGUNTZAK

Europako Kontseiluak, COVID-19aren pandemiak sortutako egoera ekonomikoaren ondorioz, NEXT Generation EU plana sortu zuen 2020ko uztailaren 21ean. Itzuli beharrik gabeko dirulaguntzen plan honek 140.000 milioi euroko zuzkidura eman dio Espainiari onartutako 750.000 milioitik. Tresna horren bidez, sortutako ondorio ekonomikoak eta sozialak arintzea espero da.

Espainiak transferentzia eta kreditu gisa 2026ra arte jasoko duen zenbateko ekonomikoa hobeto koordinatzeko, “España Puede” izeneko Berreskuratze, Eraldatze eta Erresilientzia Plana (PRTR) sortu da, 110 inbertsioz eta 102 erreformaz osatua.

Horretarako, Berreskuratze Plan honek egiturazko inbertsioen eta erreformen agenda garrantzitsu bat jasotzen du. Horiek elkarrekin erlazionatzen dira eta berrelikatzen dira zeharkako lau helburu lortzeko: Espainia berdeago, digitalago, gizarte- eta lurralde-ikuspegitik kohesionatuago eta berdinzaleago baterantz aurrera egitea.

Lau helburu horiek herrialdearen etorkizuneko bilakaera zehazten duten hamar palanka politika bideratzen dituzte: hiri-agendatik, despopulazioaren aurkako borrokatik eta nekazaritzaren garapenetik, zerga-sistema eta pentsioak modernizatu eta indartzeraino, azpiegituren eta ekosistemen erresilientziatik, trantsizio energetikotik, Administrazioaren, industria-sarearen eta ETEen modernizaziotik eta turismoaren berreskurapenetik, zientziaren aldeko apustutik eta Osasun Sistema Nazionala indartzetik, hezkuntzaren eta etengabeko lanbide-heziketaren sustapenetik, zainketen ekonomia berriaren garapenetik, lan-merkatuaren politika publiko berrietatik edo kulturaren eta kirolaren industriaren sustapenetik igaroz.

Espainiako Gobernuaren Berreskuratze, Eraldaketa eta Erresilientzia Planaren barruan hainbat laguntza programa daude eta horien artean Azpeitiko Udalak honako hauetan parte hartu du:

1.- BERRIKUNTZA SOZIALEKO PROIEKTUETARAKO DIRULAGUNTZAK

2.- ENERGIA-ITURRI BERRIZTAGARRIEN BIDEZKO AUTOKONTSUMOARI ETA BILTEGIRATZEARI ETA BIZITEGI-SEKTOREAN SISTEMA TERMIKO BERRIZTAGARRIAK EZARTZEARI LOTUTAKO PIZGARRI-PROGRAMA.

3.- LIBURUTEGIETAKO FUNTSAK HANDITZEKO ETA/EDO BERRITZEKO DIRULAGUNTZAK

4.- MERKATUEI, HIRIGUNE KOMERTZIALEI, MERKATARITZA EZ-SEDENTARIOARI ETA MERKATURATZE-BIDEEI LAGUNTZEKO LAGUNTZAK

5.- MUGIKORTASUN ELEKTRIKOA SUSTATZEKO DIRULAGUNTZAK