- RESPONSABLE POLÍTICO
Joanes Amenabar (Medio ambiente)
Nagore Alkorta (Urbanización) - RESPONSABLE TÉCNICO
Izaskun Zeziaga (Medio ambiente)
Arturo Rivas (Urbanización) - DIRECCIÓN
Enparantza Nagusia, 5 - TELÉFONO
Ingurumena: 943 15 70 70
Hirigintza: 943 15 71 91 - CORREO ELECTRÓNICO
ingurumena@azpeitia.eus
hirigintza@azpeitia.eus
- 20/04/2016
Energia kontsumoa %3,1 murriztu zuen Udalak, iaz
Azpeitiko Udalak bere azpiegituren eta argiteriaren kontsumoa zorrotz neurtzen du azken urteotan, energia kontsumoa murriztu eta erabiltzen den energiaren eraginkortasuna edota efizientzia bilatzeko. Hala, 2015eko energia kontsumoa %3,1ean murriztu zuela jakin berri du. "Pixkanaka, gutxinaka, han eta hemen neurriak hartuz udalak energia kontsumoa murriztu, eta energia berriztagarriaren bidez funtzionatzeko konpromisoa du", azaldu du Aitor Bereziartua zinegoztiak. 'Azpeitia 2025 Plan Estrategikoaren' baitan, energia lerro nagusietakoa da. Bertan, eraginkortasun energetikoa, kontsumoaren murrizketa eta energia berriztagarrien ezarpenarekin lotutako ekintza eta neurri desberdinak aurreikusten dira. Bide horretan, lehen lanak ari dira bere fruituak ematen, eta epe motzean abian jartzeko beste neurri batzuk ere eskuartean ditu udalak.
Iazko energia kontsumoaren %69a, udal eraikin publikoena izan zen, eta %31a, berriz, herriko argiteriarena. Eraikin publikoen artean, igerilekua da kontsumo handiena duen azpiegitura, kontsumo osoaren %47a. Ondoren hezkuntzara bideratutako eraikinak dute kontsumo altuena, %25a, eta udal bulegoek, berriz, %8a. "Bagenekien igerilekua dela, askogatik energia gehien kontsumitzen duen azpiegitura. 2014an, igerilekuan energia aurrezteko proiektu pilotoa jarri genuen abian. Baina igerilekuko energia kontsumoa murrizteko neurri gehiago ere hartuko ditugu epe motzean", aurreratu du Bereziartuak.
Kontsumo energetiko horren harira sortutako negutegi efektua eragiten duten gasen isuria ere nabarmen jaitsi du Udalak. Hala, 2014an baino %11,8 gutxiago isuri zen 2015. urtean. Hori elektrizitate berdearen kontratazioak eta gas naturalaren kontsumoa jaisteak eragin du.
Kontsumoak eta kutxadurak behera egin badute ere, gastuak %1,2 gora egin du; energiaren prezioak gora egin duelako. Hala, iaz, 751.148 euroko gastua izan da energiak eragindakoa, hau da, 51,5 euro azpeitiar bakoitzeko.
Leer más- 12/04/2016
Poltsa konpostagarriak banatzeagatik diru-laguntza emango die Mankomunitateak Azpeitiko lau establezimenduri; horretarako izena emateko epea zabalik dago
Poltsa konpostagarriak banatzeko diru-laguntza emango die Urola Erdiko Mankomunitateak hainbat merkataritza eta zerbitzu-establezimenduri; Azpeitian, lau laguntza banatuko ditu. Horien egin beharrekoa izango da herritarrei poltsa konpostagarriak banatzea, komertzio bakoitzaren arreta-ordutegian. Urtebetez banatu beharko dituzte poltsak, Mankomunitateak horiek eman eta hurrengo egunetik hasita.
Kanpainaren helburua birziklapena sustatzea da, herritarrei hondakinak jatorrian bereizteko baliabideak emanez. Horretarako, 10.000 euro bideratuko ditu Mankomunitateak. Guztira, eskualdeko hamar komertziok jasoko dituzte diru laguntzak. Beraz, 1.000 euro jasoko ditu establezimendu bakoitzak.
Leer más- 09/03/2016
Energia berriztagarrien inguruko bilera egin dute Udal ordezkariek Usurbilgo Lanbide Eskolarekin
Atzo Usurbilgo Lanbide Eskolan izan ziren Josu Labaka eta Aitor Bereziartua udal ordezkariak bertan egiten duten lana eta dituzten proiektuak ezagutu eta energia berriztagarrien inguruko teknologia berriak ezagutzeko. Bisita egiteaz gain, ordea, bertako ordezkariekin elkartu eta elkarlanerako aukerak aztertzeko bilera ere egin zuten.
Aitor Bereziartuaren hitzetan, Azpeitiko Udala energia berriztagarrien aldeko "apustua egiten ari da eta egingo du etorkizunean ere", ingurumena zaindu, energia gutxiago kontsumitu eta ekonomikoki etekina ateratzeko. "Helburua da, udal eraikinen kostu energetikoak murriztea, besteak beste. Kudeaketa eraginkorrarekin Udalaren ahalmen ekonomikoa handitzeko eta ingurumenarekin arduratsuago jokatzeko", adierazi du.
Leer más- 24/02/2016
Zuhaitz Eguna aprobetxatuz, Landetan bertako zuhaitzen landaketa egingo da
Datorren igandean, otsailaren 28an, Zuhaitz Eguna egingo. Aurten Landetako industrialdean landatuko dira zuhaitzak. Zuhaitz Eguna aprobetxatuz, herrigunetik aparte dauden industriaguneetako fauna eta flora indartzea da ekintza horren helburua. Landaketan, bertako zuhaitz barietateak sartuko dira; hala nola, pagoa, haritza, lizarra, artea... guztira 5-6 urte bituzten 30 bat zuhaitz sartuko dira.
Elkartzeko gunea: Sarralle ondoko biribilgunea
Ordua: 10:30
Ekintzaren iraupena: 2 ordu
Lanak bukatutakoan hamaiketakoaz gozatzeko aukera izango dute parte hartzaileek.
Leer más
- 16/02/2016
Denon ardura da kale eta inguruak txukun mantentzea
Azpeitiko Udalak baliabide eta indar ugari egiten du Azpeitiko kale eta inguruan txukun mantentzeko. Ez da erraza dena txukun mantentzea, ez baitago Udalaren esku soilik. Garbiketa bai, garbitzea Udalaren zereginetan sartzen da, eta egunero-egunero izaten dira goizean goiz hasita kale garbitzaileak Azpeitian. Madalena auzotik hasi eta Loiola bitarteko auzo eta kale guztiak garbitzen dira egunero; eta baita Urrestilla ere . "Garbitzea gure ardura da, bai. Baina garbi mantentzea herritar ororen konpromisotik abiatzen da", azaldu du Josu Labaka zinegotziak. Garbi mantentzeko lehen pausoa ez zikintzea baita.
Leer más