Domusa Teknik 40 MLK Mendi Lasterketaren baitan, Mendi lasterketak eta emakumeak hitzaldia izango da bihar, apirilak 29, 19:00etan, Basazabal jauregian. Antolakuntzak punta-puntako bi emakume korrikalari gonbidatu ditu herrira. Oihana Azkorbebeitia (Abadiño, 1981) eta Leire Baraibar (Areso, 1979) izango dira hizlariak, biak ala biak hainbat podiumetara igotakoak.
Jakinekoa da gaur egun mendi lasterketen munduan oraindik ere emakumeen parte hartzea gizonezkoenaren oso azpitik dagoela, are gehiago distantzia luzeetako lasterketetan. Hori horrela, hitzaldi honekin, Domusa Teknik 40 MLK Mendi Lasterketaren helburua, emakumeei ikusgarritasuna emateaz gain, korrikalari hauen lorpenei aitortza bat egitea da.
Azkorbebeitiak eta Baraibarrek gai desberdinen inguruan izan dituzten bizipenak eta beren ikuspuntuak ezagutzeko parada izango dugu apirilaren 29an, 19:00etatik aurrera, Azpeitiko Azoka Plazako lehen solairuko areto nagusian.
